Artıq neçə vaxtdır dünyanı koronovirus cənginə alıb. Hər kəs korona günlərində evinə sığınıb, kimisi kitab oxuyur, kimisi filmə baxır… Yaradıcı adamlar isə yazı-pozu ilə məşğuldur. Elə yazıçılar da olub ki, onlar xəstə olduqları vaxt qələmə sarılıblar və ən yaxşı əsərlərini yazıblar.

Kulis.az xəstə zamanı yazılan ən məşhur 5 romanı təqdim edir.

Villiam Şekspir – Maqbet

1606-cı illərdə Vəba İngiltərədə yayılmışdı. Həmin illərdə Londonda küçəyə çıxmaq qadağası qoyulmuşdu, əyləncə yerləri bağlanmışdı. Yoluxma olan evlərin qapısına qırmızı xətt qoyulurdu. Təbii ki, teatrlar da öz işinə ara vermişdi. O illərdə Şekspir “Maqbet”i, “Kral Lir”i yazmışdı, amma vəba ucbatından səhnəyə qoyula bilmirdi.

Marsel Prust – “İtirilmiş zamanın sorağında”

Dünyanın ən məşhur əsərlərindən biri. 7 kitabdan (“Svannların Tərəfi”, “Çiçək Açmış Gənc Qızların Kölgəsində”, “Guermantes Tərəfi”, “Sodom ve Gomorrah”, “Məhbus”, “İtkin Albertine”, “Yaxalanan Zaman”) ibarət “İtirilmiş zamanın sorağında”… Pnevmaniya xəstəliyinə tutulan Marsel Prustun həyatında zövq alacağı tək şey yazmaq idi. Və o bu xəstəliyi bu məşhur əsərini yazaraq ovudurdu.

Franz Kafka – “Aclıq sənətkarı”

Bildiyiniz kimi, Kafka vərəmə mübtəla olmuşdu. O zaman Maks Broda əsərlərinin bir qismini yandırmağı tapşırmışdı. “Aclıq sənətkarı” hekayəsi onun vərəmli vaxtlarında təzədən üstünə qayıtdığı əsəridir. Hekayə cəmiyyətdən arınan və aclığa tərk olunan bir sənətkar haqdadır.

Corc Oruel – “1984”

Yoldaşının ölümündən sonra dostu və redaktoru Devid Astorun təklifiylə Jura adında bir Şotland adasına gedir və hər şeyi unutmaq, kədərdən uzaqlaşmaq istəyir. Bura sivilizasiyadan kənar, poçtun belə olmadığı yer idi. Yalnız radio ilə xəbərlərdən halı olmaq olurdu. Ancaq bura Oruellin xoşuna gəldi və onda yaradıcı eşqi alovlandı. Elə bu yaradıcı eşqi güclənən vaxtlarda hardasa ölümünə səbəb olacaq bir qəza keçirdi. Adada qayıqla səyahət edərkən qəfil suya düşmüşdü. Buz kimi dondurucu suda özündə güc tapıb üzməyə başlayan Oruel boğulmaqdan canını qurtardı. Ancaq soyuq öz işini görmüşdü. Buz kimi soyuqluq ağciyərlərində şok effekti yaratdı. Və bunun ardınca tez-tez öskürmək illətinə tutuldu. Yaşadığı bu ağrılara baxmayaraq, heç kimdən kömək istəmədi, yardım təkliflərini rədd etdi. Ən sonda həkimə getməyə razılıq verdi. Diaqnoz qoyuldu: xroniki ağciyər tüberklyozu. “1984” romanı bütün bu ağır durumlara baxmayaraq, ciddiyyətlə yazıldı. Oruel deyirdi ki, hər şey yaxşı gedir, bircə onun sağlığından başqa. Romanı bitirəndən sonra xəstəxanada yatdı və yaz günlərinin birində vəfat etdi.

Nikolay Ostrovski – “Polad necə bərkidi”

Ağır iflic onu yatağa salmışdı. Gözləri tutulmuşdu. Buna baxmayaraq, “Polad necə bərkidi” romanını ortaya qoymağa müəyəssər olur. Romanı diktə edərək yazır. Müəllif romanın qəhrəmanı Pavel Korçaginin timsalında özünün amansız xəstəliklə mübarizəsini, taleyini, faciəsini qələmə alıb.

• Gecə - Varlam Şalamovun hekayəsi
• "Maşa və Ayı"ya qadağa tələbi: Cizgi filmində Rusiya təbliğatı var?
• "Bu, insanın belini qıran bir gözəllikdir..." - Bukerli alban yazıçıdan deyimlər