Nurşən Quliyevin 50 illik yubileyidir

Nurşən Quliyevin 50 illik yubileyidir
24 fevral 2024
# 16:00

Bu gün Azərbaycan mediasının tanınmış jurnalistlərindən biri, "APA Media Group"un baş redaktoru Nurşən Quliyevin 50 illik yubileyidir.

"APA Media Group"un yaradıcılarından olan Nurşən Quliyev ilk gündən bu şirkətin qurulmasında iştirak edib.

APA brendinin formalaşmasında və böyüməsində onun əvəzsiz rolu, böyük xidməti var.

Nurşən Quliyev Azərbaycan mediasının onlarla parlaq imzasının yetişməsində xidmət göstərib, bu gün də eyni fəaliyyəti davam etdirir.

Nurşən Quliyev tələbəlik illərində təhsilini yarımçıq qoyaraq, könüllü Qarabağ döyüşlərinə qatılıb, 4 il Vətənin müdafiəsində iştirak edib.

O, müharibə iştirakçısı kimi başladığı vətənpərvər fəaliyyəti daha sonra peşəkar olaraq mediada davam etdirib. "Üç nöqtə", "Xalq Cəbhəsi" qəzetlərində müxtəlif vəzifələrdə çalışıb, daha sonra APA İnformasiya Agentliyinin qurulmasında iştirak edib və son 20 ildə bu şirkətdə çalışıb. Biz şadıq ki, Nurşən Quliyevin bu gün şirkətimizin baş redaktoru kimi fəaliyyət göstərdiyini vurğulayırıq.

Nurşən Quliyev Azərbaycanın informasiya təminatında önəmli yer tutan APA-nın aparıcı siması kimi daim informasiya mübarizəsinin ön cəbhəsində olub və bu fəaliyyətini bu gün də davam etdirir.

Nurşən Quliyevin peşəkarlığı dövlət tərəfindən də qiymətləndirilib. O, Azərbaycan Prezidentinin Sərəncamı ilə "Tərəqqi" medalı ilə təltif olunub.

Dəyərli baş redaktorumuz üçün ən yaxşı hədiyyə isə rəşadətli Azərbaycan Ordusunun Müzəffər Ali Baş Komandanın rəhbərliyi ilə doğulub boya-başa çatdığı Malıbəylini, Xankəndini işğaldan azad etməsi xəbərini yaya bilmək idi. Bu il azad Xankəndidən yazdığı yazı yaradıcılığının ən yaxşı nümunələrindən biri oldu.

"APA Media Group" kollektivi Nurşən Quliyevi yubiley yaşı münasibətilə təbrik edir. Ona uzun ömür, can sağlığı, peşəkar fəaliyyətində uğur arzu edir.

Təbriklər, əziz müəllim, peşəkar jurnalist, sadiq dost!

# 511 dəfə oxunub

Oxşar xəbərlər

"Kaş o, heç doğulmayaydı" - Vatikanın qadağan etdiyi yazıçı

"Kaş o, heç doğulmayaydı" - Vatikanın qadağan etdiyi yazıçı

12:03 16 aprel 2024
Gülünün gözəlliyi bir yana... – İlham Əzizin hekayəsi

Gülünün gözəlliyi bir yana... – İlham Əzizin hekayəsi

11:33 16 aprel 2024
Məşhur aktyor vəfat etdi

Məşhur aktyor vəfat etdi

11:30 16 aprel 2024
“Humayla” adlı ilk solo konsert təqdim olunacaq

“Humayla” adlı ilk solo konsert təqdim olunacaq

11:00 16 aprel 2024
"İlk telefonumu mənə o almışdı..." - Tom Kruzun 19 il  hədiyyə göndərdiyi həmkarı

"İlk telefonumu mənə o almışdı..." - Tom Kruzun 19 il hədiyyə göndərdiyi həmkarı

19:00 15 aprel 2024
Məlumat lövhələrinin dizaynının hazırlanması ilə bağlı müsabiqə elan olundu

Məlumat lövhələrinin dizaynının hazırlanması ilə bağlı müsabiqə elan olundu

18:50 15 aprel 2024
#
#
# # #