"Bildiyiniz kimi, cənab Prezidentin sərəncamı ilə bu il Nizami Gəncəvi ili elan edilib. Mədəniyyət Nazirliyi olaraq Nizami Gəncəvi ili çərçivəsində müxtəlif tədbirlər keçirilib. Sabah başlayacaq forum da həmin tədbirlərdən biridir”.

APA-nın məlumatına görə, bunu Nizami Gəncəvi Beynəlxalq Forumuna həsr olunan brifinqdə mədəniyyət nazirinin birinci müavini Elnur Əliyev deyib.

Gəncədə “Nizami Gəncəvi İli”nə həsr olunmuş tədbir keçirilib - FOTO
UNESCO Mədəniyyət Komissiyasının iclasına ilk dəfə Azərbaycan sədrlik edir
Elnur Əliyev: “Hazırda əsas bərpa prosesi Şuşa şəhərində gedir”
Onun sözlərinə görə, bu tədbir üç gün davam edəcək. E. Əliyev bildirib ki, sabahkı tədbirdə bir neçə ölkənin mədəniyyət nazirinin iştirakı gözlənilir: “Üç gün ərzində dünyanın müxtəlif yerlərindən gələn alimlər Nizaminin onların coğrafiyasına təsirindən danışacaq”.

24-26 noyabr tarixlərini əhatə edəcək Nizami Gəncəvi Beynəlxalq Forumu dahi mütəfəkkirin zəngin ədəbi irsini araşdıran nüfuzlu beynəlxalq alim, tədqiqatçı və elm adamlarını bir araya gətirərək “Nizaminin Orta əsr Şərqində siyasi və ictimai ənənələrə təsiri”, “Nizami Gəncəvi: Müasir dünyaya baxış”, ”Nizami Xəmsəsinin dünya ədəbiyyatına və mədəniyyətinə təsiri”, “Xəmsə dialoqlarının didaktik rolu”, “Sovet dövründə Nizami tədqiqatları” mövzularına həsr edilmiş panel müzakirələri keçirilən platformadır. Beynəlxalq Forumda 15 xarici ölkədən 40-dan çox alim, elm adamı və ekspertlərin, eləcə də dövlət rəsmiləri, ali təhsil müəssisələrinin rəhbərləri, beynəlxalq təşkilatlar və diplomatik korpusların nümayəndələrinin iştirakı nəzərdə tutulur.

Forum çərçivəsində müxtəlif panel müzakirələr, təqdimatlar, ikitərəfli görüşlər, kitab təqdimatı, mədəni və digər tədbirlərin təşkili nəzərdə tutulur.

Qeyd edək ki, Mədəniyyət Nazirliyinin təşkilatçılığı, Bakı Şəhər İcra Hakimiyyətinin dəstəyi ilə dahi Azərbaycan mütəfəkkiri və şairi Nizami Gəncəvinin anadan olmasının 880 illiyinə həsr edilmiş “Nizami Gəncəvi İli” çərçivəsində “Nizami Gəncəvi: Mədəniyyətlər Arasında Körpü” mövzusunda Nizami Gəncəvi Beynəlxalq Forumu (NGBF) keçiriləcək.

• "Qızıl Portağal" film festivalının siyahısı açıqlandı
• Məşhur teatr “Makbet” ilə fəaliyyətini bərpa etdi
• Məşhur aktrisa vəfat etdi