"Mən illərlə bu vətənə təmənnasız, sədaqətlə və bütün enerjimlə xidmət etmişəm"
Bu sözləri "Tərəqqi" medalına layiq görülməyi ilə bağlı hisslərini Kulis-ə danışan yazıçı, jurnalist Natəvan Dəmirçioğlu deyib:
"Bu xəbəri mənə vaxtilə tələbəmiz olan Gülər xanım verdi. Sonra bir tələbə də zəng eləyib dedi ki, adınız siyahıda birincidir. Dedim, yox, sadəcə, siyahı əlifba sırası ilə tərtib olunduğuna görə adım birinci gəlib.
Çox qəribə duyğudur. Mən ən çox başqalarının da bu xəbərə sevindiyinə sevindim. Hətta bizim beynəlxalq radionun türk dili redaksiyasının əməkdaşları dedi ki, Natəvan xanım, ancaq özümüz alsaydıq bu qədər sevinə bilərdik. Bu, artıq sevincimin ikinci mərhələsidir.
Mən illərlə bu vətənə təmənnasız, sədaqətlə və bütün enerjimlə xidmət eləmişəm. Dövlət təltifi olsa da olar, olmasa da. Mən həmişə bu vətənin müsəlləh əsgəri olmuşam. Bunun belə gözəl qarşılığı olursa, nə gözəl.
Bütün bu sevinclər üçün mən cənab Prezidentə təşəkkür eləyirəm. Böyük AzTV ailəsinə onu demək istəyirəm ki, mən bu mükafatı bütün qadınların adından alıram.
Qadınlar üçün əziz olan bu gündə mən də Mehriban xanım Əliyevanı və ailəsindəki xanımları təbrik eləyirəm".
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər