Musiqi ədəbiyyatı fənni üzrə imtahan keçiriləcək

Musiqi ədəbiyyatı fənni üzrə imtahan keçiriləcək
31 iyul 2024
# 16:20

Avqustun 4-də 18, 20, 24, 27, 29, 30, 73 və 75-ci komissiyaya aid musiqi ədəbiyyatı fənni üzrə test imtahanı keçiriləcək.

Kulis.az xəbər verir ki, bu barədə Dövlət İmtahan Mərkəzindən (DİM) məlumat verilib. Bildirilib ki, imtahan DİM-in elektron imtahanlar korpusunda və Naxçıvan Dövlət Universitetində elektron qaydada təşkil ediləcək. Bakıda 154, Naxçıvanda 6 abituriyentin imtahanda iştirakı nəzərdə tutulur.

İxtisaslar üzrə fənlərin uyğunluğu və keçid balları DİM-in saytında təqdim edilib.

İmtahanda abituriyentlərə 30 qapalı tipli test tapşırığı təqdim ediləcək. Tapşırıqlardan 20-si Azərbaycan, Qərbi Avropa və rus bəstəkarlarının həyat və yaradıcılığını, həmçinin müxtəlif bədii üslublara və dövrlərə aid biliklərin yoxlanılmasını əhatə edir. Digər 10 tapşırıq isə musiqi nümunələrinin təyin edilməsi üçün nəzərdə tutulub.

Qiymətləndirmə 10 ballıq şkala üzrə aparılır.

Abituriyentlər imtahana buraxılış vərəqəsini DİM-in saytında müvafiq linkdən çap edə bilərlər.

İmtahan saat 10:00-da başlanacaq və bir saat davam edəcək. İştirakçılar buraxılış vərəqəsində göstərilən vaxtda imtahan binasına gəlməlidirlər. İmtahan binasına daxil olarkən abituriyent buraxılış vərəqəsini və şəxsiyyətini təsdiq edən sənədi təqdim etməlidir (abituriyentin şəxsiyyətini təsdiq edən sənədi olmadıqda şəxsiyyət vəsiqəsinin notarial qaydada təsdiq olunmuş surətini və ya ümumvətəndaş pasportunu təqdim edə bilər). Əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini təqdim edirlər. Tələb olunan sənədi təqdim etməyən abituriyent imtahan binasına buraxılmayacaq.

İmtahan binasına mobil telefon, ağıllı saat və digər rabitə vasitələri, kalkulyator və sair elektron cihazlar, konspekt, lüğət, cədvəl, çanta, məlumat kitabçası, xarici yaddaş qurğuları və başqa yardımçı vasitələr gətirmək və onlardan istifadə etmək qadağandır.

# 1050 dəfə oxunub

Oxşar xəbərlər

“Sony Pictures”dən kinematoqrafçılar üçün unikal imkan

“Sony Pictures”dən kinematoqrafçılar üçün unikal imkan

13:45 17 sentyabr 2025
İğdırda Üzeyir Hacıbəylinin “O olmasın, bu olsun” komediyası göstərilib

İğdırda Üzeyir Hacıbəylinin “O olmasın, bu olsun” komediyası göstərilib

13:40 17 sentyabr 2025
Britannik gəmisindən nadir əsərlər üzə çıxarıldı

Britannik gəmisindən nadir əsərlər üzə çıxarıldı

13:20 17 sentyabr 2025
Marneulidə Azərbaycan Milli Musiqi Günü

Marneulidə Azərbaycan Milli Musiqi Günü

12:50 17 sentyabr 2025
Milli Kitabxanada “18 sentyabr - Milli Musiqi Günü” adlı kitab sərgisi açılıb

Milli Kitabxanada “18 sentyabr - Milli Musiqi Günü” adlı kitab sərgisi açılıb

12:38 17 sentyabr 2025
Əlisəmid Kürün son vəziyyəti - Qızından açıqlama

Əlisəmid Kürün son vəziyyəti - Qızından açıqlama

12:35 17 sentyabr 2025
#
#
Ana səhifə Yazarlar Bütün xəbərlər