Bakıda sürücü maşınını qəsdən digər avtomobillərə vuraraq onlara zərər yetirib.
Kulis.az xəbər verir ki, bu barədə görüntülər sosial şəbəkələrdə yayılıb. Videodan həmin sürücünün maşınlara çırpılandan sonra hadisə yerindən uzaqlaşdığı da görünür.
Məsələyə Bakı Şəhər Dövlət Yol Polisi İdarəsi reaksiya verib. Qurumun ictimaiyyətlə əlaqələr şöbəsinin rəisi Toğrul Nəsirli bildirib ki, İdarənin əməkdaşları tərəfindən narkotik vasitənin təsiri altında olan, hərəkət iştirakçılarının həyatına real təhlükə yaradan, “Mercedes” markalı 99-MM-276 dövlət qeydiyyat nişanlı nəqliyyat vasitəsinin sürücüsü Tural Abdullayev tabesizlik göstərsə də, görülən tədbirlər nəticəsində saxlanılıb və toplanılmış materiallar aidiyyəti üzrə məhkəməyə göndərilib.
Məhkəmənin qərarına əsasən, T.Abdullayevin sürücülük hüququ 2 il müddətində məhdudlaşdırılmaqla o, 30 sutka inzibati qaydada həbs edilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər