Moskvada Hacı Zeynalabdin Tağıyevə həsr olunan sərgi açıldı - Foto

Moskvada Hacı Zeynalabdin Tağıyevə həsr olunan sərgi açıldı - Foto
9 oktyabr 2023
# 13:45

Moskvada “Hacı Zeynalabdin Tağıyev – sənayeçi və xeyriyyəçi. Rusiya və Azərbaycan tarixində şəxsiyyətin rolu” adlı sərgi açılıb.

Kulis.az APA-ya istinadən xəbər verir ki, Xalq Təsərrüfatı Nailiyyətləri Sərgi Mərkəzindəki (VDNX) “Azərbaycan” pavilyonunda açılan Azərbaycan Dövlət Neft Şirkətinin “SOCAR RUS” törəmə bölməsi və Geologiya, Neft və Qaz Muzeyi ilə birgə təşkil olunub.

Neft və qaz sənayesi işçilərinin peşə bayramına həsr olunan sərgini açan “Azərbaycan” pavilyonunun direktoru Səadət Kadırova xeyriyyəçi Hacı Zeynalabdin Tağıyevin şəxsiyyətinin hərtərəfli diqqətə layiq olduğunu qeyd edib. “Hacı Zeynalabdin Tağıyev öz vəsaitini böyük humanitar layihələrə xərcləyib. Bu layihələr həm Azərbaycana, həm də Rusiyaya həsr olunub. O, azərbaycanlı qızların təhsil almasına xüsusi diqqət yetirib, Azərbaycanda gimnaziya açıb. Sentyabr ayında biz həm Azərbaycanda, həm də Rusiyada Neftçilər Gününü qeyd edirik və qərara gəldik ki, “Azərbaycan” pavilyonunda bu möhtəşəm insana həsr olunmuş fotosərgi təşkil edək, onun keçdiyi həyat yolu haqqında məlumatları təqdim edək”, - deyə S.Kadırova vurğulayıb.

Sərgidə Hacı Zeynalabdin Tağıyevin həyat yolunu və fəaliyyətini əks etdirən fotoşəkillər nümayiş etdirilib. Sərginin qonaqları həmçinin sənayeçi və xeyriyyəçinin tərcümeyi-halı, Azərbaycanın neft sənayesinin tarixi ilə yaxından tanış ola biliblər.

Moskvada Hacı Zeynalabdin Tağıyevə həsr olunan sərgi açılıb - FOTO

# 2316 dəfə oxunub

Oxşar xəbərlər

Taylor Sviftin geyimləri və şəxsi əşyaları nümayiş olunacaq

Taylor Sviftin geyimləri və şəxsi əşyaları nümayiş olunacaq

18:57 20 noyabr 2026
Ayasofiyada qədim tunellər aşkar edildi

Ayasofiyada qədim tunellər aşkar edildi

18:16 20 noyabr 2026
Bruno Marsın ailəsində ağır itki

Bruno Marsın ailəsində ağır itki

17:37 20 noyabr 2026
Kris Prat yeni fantastik filmdə baş rola çəkiləcək

Kris Prat yeni fantastik filmdə baş rola çəkiləcək

17:03 20 noyabr 2026
Nadir Bədəlov:  “Azərbaycan kinosu yox, Bakı kinosu var” – MÜSAHİBƏ

Nadir Bədəlov: “Azərbaycan kinosu yox, Bakı kinosu var” – MÜSAHİBƏ

16:32 20 noyabr 2026
Azərbaycan mahnıları ingiliscə, dünya hitləri azərbaycanca

Azərbaycan mahnıları ingiliscə, dünya hitləri azərbaycanca

16:00 20 noyabr 2026
Ana səhifə Reels Yazarlar Xəbərlər