Leonardo da Vinçinin dünyaca məşhur əsəri Mona Liza ilə bağlı yeni iddia ortaya çıxıb.

Kulis.az xarici mediya istinadən xəbər verir ki, Silvano Vinçeti adlı sənət tarixçisi rəsmdəki təsvirlərlə bağlı diqqətəlayiq bir detalı açıqlayıb.

Vinçeti Mona Liza rəsminin fonunda olan daş körpünün Toskana olduğunu irəli sürüb. O, 16-cı əsrə aid rəsmdə təsvir olunan estakadanın İtaliyanın kiçik Laterina kəndində Arno çayını əhatə edən Romito körpüsü olduğunu iddia edib. Vinçeti bölgənin dron görüntülərini, fotoşəkillərini və tarixi sənədlərini araşdırdıqdan sonra şəkildəki körpü ilə bağlı qoyduğu diaqnozun doğru olduğuna şübhə etmədiyini də vurğulayıb.

Xatırladaq ki, əvvəllər Leoardo da Vinçinin körpünü Toskanadakı Bobbio və Burianodakı tikililərdən sonra modelləşdirdiyi deyilirdi. Buna qarşı çıxan Vinçeti iddia edir ki, adı çəkilən körpülərin heç birində dörd tağ yoxdur.

Tarixçilər həmçinin hesab edirlər ki, yalnız bir tağının toxunulmaz qaldığı Romito körpüsünün əvvəllər dörd tağı var idi. Tağın 18-ci əsrdə, sel nəticəsində ciddi şəkildə zədələndiyi ehtimal edilir. Hətta dördüncü tağın bünövrəsinə hələ də çayın o biri tərəfindəki kolluqlarda rast gəlməyin mümkünlüyü iddia edilir.

İntibah dövrü rəssamının əslində hansı körpünü təsvir etdiyi heç vaxt məlum olmasa da, Laterina meri Simona Neri rəsmlə mümkün əlaqənin kəndə turistləri cəlb edəcəyinə ümid edir.

• "Oğlumun yanına getmək istəyirəm" - Öləcəyi günü bilən Xalq artisti
• AMEA:"Ramiz Mehdiyevin həqiqi üzvlükdən çıxarılması məsələsinə məhkəmə hökmündən sonra baxılacaq"
• Rus Dram Teatrının direktoru vəzifəsindən azad olundu - Yerinə Mədəniyyət Nazirliyinin müşaviri təyin olundu