Mirmehdi Ağaoğlunun yeni kitabı təqdim olunacaq

Mirmehdi Ağaoğlu

Mirmehdi Ağaoğlu

4 noyabr 2021
# 09:45

Noyabrın 10-da Mirmehdi Ağaoğlunun “Zəfərin izi ilə” (azad olunmuş ərazilərdən ilk reportajlar toplusu) adlı yeni kitabının təqdimat mərasimi və imza günü olacaq.

Kulis.az APA-a istinadən xəbər verir ki, təqdimat mərasimi saat 18:00-da "LIBRAFF"ın "Park Akademiya" filialında (Elmlər Akademiyası m/s-nın əsas girişi ilə üzbəüz) keçiriləcək.


Tədbir 20:00-dək davam edəcək.

Kitaba müəllifin 44 günlük Vətən müharibəsindən sonra işğaldan azad olunmuş ərazilərə səfərləri zamanı hazırladığı reportajlar daxildir.

Oxucular kitabda 30 ilə yaxın müddət ərzində işğal altında qalan ərazilərimizin mövcud durumu, eləcə də düşmən vəhşilikləri nəticəsində Qarabağda yerləşən tarixi-mədəni abidələrin, yaşayış məntəqələrinin, şəhərlərin düşdüyü acınacaqlı vəziyyətlə tanış ola bilərlər.

“Zəfərin izi ilə” “Mücrü” nəşriyyatında çap olunub.

Kitabın ideya müəllifi Vüsalə Mahirqızı, redaktoru Nurşən Quliyev, bədii redaktor və korrektoru Elnaz Eyvaz, dizayneri Mahir Vəliyev, fotoqraf İlkin Nəbiyevdir.

Təqdimat mərasimi və imza gününə hər kəs dəvətlidir.

# 1657 dəfə oxunub

Oxşar xəbərlər

# # #