Azərbaycan Dövlət Akademik Opera və Balet Teatrı görkəmli bəstəkar Fikrət Əmirovun “Min bir gecə” baletini Heydər Əliyev Sarayında təqdim edib.
Kulis.az xəbər verir ki, tamaşada əsas rolları Əməkdar artistlər Anar Mikayılov (Şəhriyar), Elmira Süleymanova (Nuridə), solistlər Fatimə Xələfova (Şəhrizad), Aleksandr Suldin (Nuridənin sevimli qulu) böyük məharətlə ifa ediblər.
Xalq artisti, professor Cavanşir Cəfərovun dirijorluq etdiyi tamaşada, həmçinin Əməkdar incəsənət xadimi Sevil Hacıyevanın rəhbərliyi altında xor kollektivi və teatrın solisti Fatimə Cəfərzadə də çıxış ediblər.
Azərbaycan bəstəkarlıq məktəbinin görkəmli nümayəndələrindən olan Fikrət Əmirov Azərbaycan və SSRİ-nin Xalq artisti, Sosial Əməyi Qəhrəmanı, SSRİ Dövlət mükafatı laureatıdır. Bəstəkar klassik musiqinin bir çox janrlarında - balet, opera, operetta, simfoniya kimi dəyərli əsərlər yazıb-yaradıb.
Fikrət Əmirovun "Min bir gecə" baleti uzun illərdir ki, Opera və Balet Teatrının repertuarında səhnələşdirilir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər