Mayın 29-da Azərbaycan Milli Kitabxanasında Mədəniyyət Nazirliyinin tabeliyində olan kitabxanalarda KOHA Avtomatlaşdırılmış Kitabxana-İdarəetmə Sisteminin tətbiqi ilə əlaqədar onlayn görüş keçirilib.
Kulis.az xəbər verir ki, tədbirdə çıxış edən kitabxananın elmi işlər və kitabxana-informasiya xidməti üzrə direktor müavini, tarix üzrə fəlsəfə doktoru Ədibə İsmayılova kitabxanalarda son illər proseslərin modernləşdirilməsi, mütərəqqi metod və texnologiyaların tətbiqi sahəsində fəaliyyətin genişləndirilməsindən danışıb.
“Görüşün keçirilməsində əsas məqsəd kitabxanalarda bu istiqamətdə mövcud vəziyyəti analiz etmək, problemləri aydınlaşdırmaq, onların həlli yönündə təklif və tövsiyələrlə çıxış etməkdir. Proqramın tətbiqi məsələləri ilə bağlı mütəmadi olaraq görüşlər keçiriləcək”,- deyə o sözlərinə əlavə edib.
Milli Kitabxananın informasiyalaşdırma və texnoloji inkişaf üzrə direktor müavini Toğrul Kamilzadə proqramın funksiyalarından söhbət açıb.
Tətbiq prosesində meydana çıxan problemlər, keyfiyyətin artırılması yolları barəsində müzakirələr aparılaraq, aktual suallar cavablandırılıb. Müzakirələrdə, həmçinin funksionallığın artırılması istiqamətində tövsiyələr də verilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər