Milli İncəsənət Muzeyi ilə Rusiya Dövlət Ermitajı arasında memorandum imzalandı

Milli İncəsənət Muzeyi ilə Rusiya Dövlət Ermitajı arasında memorandum imzalandı
16 sentyabr 2024
# 11:51

Rusiyanın Sankt-Peterburq şəhərində “XXI əsrin mədəniyyəti: suverenlik yoxsa qlobalizm?” mövzusunda X Beynəlxalq Birləşmiş Mədəniyyətlər Forumu keçirilib.

Kulis.az xəbər verir ki, Forumda iştirak edən Azərbaycan nümayəndə heyətinin tərkibində Azərbaycan Milli İncəsənət Muzeyinin (AMİM) direktoru, sənətşünaslıq üzrə fəlsəfə doktoru Şirin Məlikova da təmsil olunub.

Mədəniyyət və elm sahələrinin nümayəndələrini qloballaşma şəraitində mədəni suverenliyin perspektivlərinin müzakirəsi üçün bir araya toplayan forum, həmçinin sənətin milli ənənələrin və tarixin qorunmasındakı rolunu nəzərdən keçirib.

Şirin Məlikova beynəlxalq forumun “Tarixi binalarda muzeylər” adlı sessiyasında çıxış edib. Qeyd edilib ki, tarixi binalarda yerləşən muzeylər mədəni irsin qorunmasında mühüm rol oynayır. Bu cür unikal məkanlar yalnız eksponatların saxlanıldığı yerlər deyil, eyni zamanda memarlıq abidəsi kimi ziyarətçilərə təkrarolunmaz təəssürat oyadırlar.

Forum çərçivəsində Azərbaycan Milli İncəsənət Muzeyi ilə Rusiya Dövlət Ermitajı arasında qarşılıqlı anlaşma və əməkdaşlıq haqqında memorandum imzalanıb. Mədəni əlaqələrin və elmi tədqiqatların inkişafında mühüm addım kimi qiymətləndirilən memorandumu Azərbaycan Milli İncəsənət Muzeyinin direktoru Şirin Məlikova və Dövlət Ermitajının elmi işlər üzrə baş direktor müavini Georgi Vilinbaxov imzalayıblar. Memorandum muzey işi və mədəni-tarixi irs obyektlərinin mühafizəsi sahəsində birgə əməkdaşlığı, Ermitajın AMİM-in Qərbi Avropa incəsənətinə aid eksponatlarının atribusiyasına yardım göstərməsini, bərpa məsələləri üzrə məsləhətləşmələri, mütəxəssislərin təcrübə mübadiləsini, eləcə də Azərbaycanda “Ermitaj günləri”nin keçirilməsi və digər məsələləri nəzərdə tutur.

Beynəlxalq tədbir çərçivəsində, həmçinin Rusiya Dövlət Şərq Xalqları İncəsənəti Muzeyi və Rəssamlıq Akademiyası Muzeyi (Sankt-Peterburq) ilə də qarşılıqlı anlaşma və əməkdaşlıq haqqında memorandumlar imzalanıb. Memorandumların məqsədi muzeylər arasında qarşılıqlı əlaqəni genişləndirmək, bərpa, arxeoloji tədqiqatlar və muzey işi sahəsində təcrübə mübadiləsi aparmaqdır. Qeyd edilən tərəfdaşlıqlar incəsənət əsərlərinin tədqiqi və nümayişi üçün yeni imkanlar açacaq, həmçinin geniş auditoriyanın muzeylərin unikal kolleksiyalarına əlçatanlığını təmin edəcək.

# 1155 dəfə oxunub

Oxşar xəbərlər

Fətəli xan Xoyskinin 150 illik yubileyi keçiriləcək -  Sərəncam

Fətəli xan Xoyskinin 150 illik yubileyi keçiriləcək - Sərəncam

17:50 17 sentyabr 2025
Özbəkistanın nüfuzlu institutunda Üzeyir Hacıbəylinin 140 illik yubileyi münasibətilə auditoriya açıldı

Özbəkistanın nüfuzlu institutunda Üzeyir Hacıbəylinin 140 illik yubileyi münasibətilə auditoriya açıldı

17:34 17 sentyabr 2025
Paris muzeyindən 600 min avro dəyərində qızıl oğurlandı

Paris muzeyindən 600 min avro dəyərində qızıl oğurlandı

17:05 17 sentyabr 2025
Əlisəmid Kürün son vəziyyəti - Qızından açıqlama

Əlisəmid Kürün son vəziyyəti - Qızından açıqlama

16:30 17 sentyabr 2025
Dəfninə heç kimin getmədiyi Səməd Səmədov kimdir?

Dəfninə heç kimin getmədiyi Səməd Səmədov kimdir?

16:21 17 sentyabr 2025
Məşhur rəssamın boyasının sirri 77 il sonra  açıldı

Məşhur rəssamın boyasının sirri 77 il sonra açıldı

16:20 17 sentyabr 2025
#
#
Ana səhifə Yazarlar Bütün xəbərlər