Məşhur ulduzlar çəkiliş meydançasında tərəf müqabilləri ilə eşq yaşadıqlarını etiraf edirlər. Bu filmlərin bəzi evliliklərə də son qoyduğunu bilirdiniz?

Kulis.az məşhurların evliliklərinə son qoyan filmləri təqdim edir.

Mister və missis Smit (2005)

Bred Pitt filmin çəkilişləri zamanı Cennifer Enistonla evlənmişdi. Pitt və Coli münasibətlərini inkar etsələr də, film nümayiş olunan il Pitt həyat yoldaşı Enistondan ayrılıb. Bir müddət sonra isə Pitt Coli ilə evlənib.

Rom gündəliyi

Conni Depp və Ember Herdin münasibətinin başlaması Deppin Vanessa Paradislə boşanmasına səbəb olub. Depp və Herd 2015-ci ildə evlənib.

Kleopatra (1963)

Filmin baş rol ifaçıları Elizabet Teylor və Riçard Börton filmin çəkilişləri zamanı başqa insanlarla evli idilər. Lakin ikisi bir-birini seviblər və həyat yoldaşlarından ayrılıblar. Cütlük çəkilişlər davam edərkən evlənib.

Titanik (1997)

Bu dəfə aktyorların yox, filmin rejissorunun evliliyi başa çatıb. Həmin vaxt Linda Həmiltonla evli olan Ceyms Kemeron filmin çəkilişləri zamanı Rouz obrazının nəvəsini canlandıran Suzi Amislə eşq yaşayıb. Həmilton boşandıqlarını "Titanik"in "Oskar"dakı uğurundan bir həftə sonra açıqlayıb. Kemeron və Amis hələ də evlidirlər.

Yaşıl fənər (2011)

Ehtimal olunur ki, Rayan Reynoldsun Skarlet Yohanson ilə evliliyi bu filmə görə sona çatıb. 2010-cu ildə çəkilişləri başlayan filmdə baş rolları paylaşan Reynolds və Bleyk Livli münasibətlərini dərhal açıqlamasalar da, Reynoldsun evliliyi filmin yayımlandığı il başa çatıb.

Daredevil (2003)

Ben Afflek və Cennifer Lopez filmin nümayişi zamanı nişanlanmışdılar. Afflekin həmkarı Cennifer Qarner Skott Foley ilə evlənməyə hazırlaşırdı. Qarner və Afflek münasibətlərinə son qoyub 2005-ci ildə evləniblər.

13 il evli olan cütlük 2018-ci ildə ayrılıb. Afflek 2022-ci ildə Cennifer Lopezlə evlənib.

• Yuxu - Sənan İsmayılovun yeni hekayəsi
• Ata və oğulun eyni filmdə "Oskar" qazanmasının ilk nümunəsi - Əlil arabasında film çəkən rejissor kimdir?
• "Şərqli-qərbli" müqayisələrində intellektual orqazm yaşayanlar