Məşhur yazıçıların işdən qovulma səbəbləri

Media

Ana səhifə
Media

Məşhur yazıçıların işdən qovulma səbəbləri

7 may 2023

10:08

Yazıçılar və şairlər bir çox adi insanlar kimi öz həyatlarında müxtəlif yollarda uğursuzluq yaşayırlar. Onlar üçün işin itirilməsi həm özlərini tapmağa imkan verir, həm də böyük bir kədərə çevrilir.

İşsizlik onları zərərli vərdişlərə də sövq edə bilər. Ancaq işdən çıxarıldıqdan sonra şöhrət və uğur qazan yazıçılar da var.

Kulis.az bəzi məşhur yazıçıların işdən çıxarılma səbəblərini təqdim edir.

Coan Roulinq Amnesty İnternational-da sadə katib işləyib və iş vaxtı yazı yazmaqla məşğul olub, hətta iş kompüterində Harri Potter haqqında hekayə də yazıb. Bu məsələdən rəhbərlik xəbərdar olandan sonra dərhal işdən çıxarılıb. Lakin yazıçının bütün sınaqlardan keçməsinə baxmayaraq, onun iztirabları hədər getməyib. Bu gün o, milyonlarla dollarlıq sərvətə sahibdir və dünyanın ən məşhur yazıçılarından biridir. Məhz işdən qovulmasına səbəb olan "Harri Poter" əsərinə görə.

Məşhur yazıçı Çarlz Bukovski uzun illər ABŞ-ın “Annex Terminal” terminalında sadə poçtalyon işləyib. O bu işlə yanaşı aktiv şəkildə yazıçılıqla da məşğul olub. O, spirtli içkilərə həddindən artıq qurşandığına görə iş rejiminə uyğun rəftar edə bilmir və həftənin bir neçə gününü işdən geri qalırdı.

Həmkarları və rəhbərlik onun avtobioqrafik hekayələri toplusu olan “Qoca keçinin qeydləri” nəşr olunandan sonra maraqlanmağa başlayıblar. Bu hekayələrdə müəllif özünün şəxsi və intim macəralarını təsvir edərək mühiti şoka salıb. Rəhbərlik artıq praktiki olaraq işdən çıxarılma əmri hazırlayıb, lakin Çarlz Bukovski istefa məktubunu ondan öncə təqdim edib.

Truman Kapotenin “The New Yorker” jurnalından işdən çıxarılmasına səbəb məşhur şair Robert Frost ilə münaqişəsi olub. Jurnalın bədii şöbəsində iki il işləyən gənc yazıçı məşhur bir şəxsin ictimai çıxışlarından sonra hay-küy ilə zalı tərk etdi.
Belə bir hərəkətdən inciyən Robert Frost gəncin adını öyrəndi və jurnal rəhbərliyinə zəng edərək Truman Kapotenin işdən çıxarılmasını tələb etdi. Yazıçı işdən qovulduqdan sonra “Summer Cruise” romanını yazmağa fürsət tapdı.
Bununla belə, o, təhqiri unutmadı və məşhurlaşdıqdan sonra Frost haqqında mənfi fikirlərini bildirdi.

Məktəbi qızıl medalla bitirən Venedikt Erofeyev Moskva Dövlət Universitetinin filologiya fakültəsindən qovuldu. O, yazıçılıqla yanaşı müxtəlif vəzifələrdə çalışırdı.

1957-ci ildə onu "Remstroy"dan, daha sonra isə 94 saylı "Stroytrest"dən işdən çıxarıblar. İşdən çıxarılma səbəbi sistematik işdən yayınma və sərxoşluq olub.

Hunter Thompson. “Las-Veqasda qorxu və nifrət” romanının müəllifi gəncliyindən üsyankar xarakteri və hər cür məhdudiyyət və qaydalara dözümsüzlüyü ilə seçilirdi. Nəticədə o, dəfələrlə işini itirib.

Qaydalara tabe olmadığı üçün Hərbi Hava Qüvvələrindən qovulub. O, müdirin qızı ilə intim münasibətlərindən sonra Las-Veqasda vəzifəsini tərk etməyə məcbur oldu. O, Nyu-Yorkdakı “The Times” qəzetindən “itaətsizliyə görə” işdən çıxarılıb.