Hollandiyalı abstrakt rəssam Piet Mondrianın “ New York City I” əsərinin 75 ildir ki, rəsm qalereyalarında səhv asıldığı məlum olub.

Kulis.az xəbər verir ki, sənət tarixçisi əsərin tərs asıldığını və bütün bu illər ərzində səhv nümayiş etdirildiyini ortaya çıxarıb. Buna baxmayaraq rəsmə zərər verməmək üçün onun asılma üsulu düzəldilməyib.

Qırmızı, sarı, qara və mavi yapışan lentlərdən ibarət olan 1941-ci ildə çəkilmiş “New York City I” adlı rəsm ilk dəfə 1945-ci ildə Nyu Yorkdakı MoMA-da, 1980-ci ildən isə Düsseldorfda nümayiş etdirilib. Rəsmin səhv asıldığına dair sübutlar çoxdur. Ona baxdıqda Parisdəki Centre Pompidou-da nümayiş etdirilən Nyu-York şəhərinin eyniadlı və eyni ölçülü yağlı boya tablosunun yuxarı hissəsində xətlərin qalınlaşdırıldığı görünür. Həmçinin Mondrianın emalatxanasının rəssamın ölümündən bir neçə gün sonra çəkilmiş və 1944-cü ilin iyununda Amerikanın “Taun and Country” adlı həyat tərzi jurnalında dərc edilmiş fotoşəkili, Meyer-Büserin dediyi kimi, dəzgahın üstündə oturmuş eyni tablonu göstərir. Əsərdəki səhvin bir səbəbi də Mondrianın əvvəlki əsərlərinin əksəriyyətindən fərqli olaraq, onun “Nyu York City I”da imzasının olmamasıdır.

• Cəfər Cabbarlının 125 illik yubileyi qeyd olundu
• "Kişilər nə düşünər?" fikirləşməyin... - Feminizmin anası
• Rusiyanın Xalq artisti vəfat etdi