Kanadanın Toronto şəhərində məşhur reper Dreykin evinin qarşısında silahlı basqın olub.
Kulis.az xəbər verir ki, hücum zamanı evin mühafizəçisi güllələnib.
Toronto polisinin verdiyi açıqlamaya görə, hücum çərşənbə axşamı baş verib. Polis mühafizəçinin güllələndiyini və xəstəxanaya aparıldığını bildirib.
Hadisənin evdən kənarda baş verdiyi və mühafizəçinin evin qapısında işləyərkən güllələndiyi qeyd edilib.
Mühafizəçinin xəstəxanada müalicə olunduğu öyrənilib.
Hadisə zamanı Dreykin evdə olub-olmaması ilə bağlı suallara cavab verilməsə də, səlahiyyətlilərin sənətçinin komandası ilə əlaqə saxladığı və istintaqla əməkdaşlıq etdiyi bildirilib.
Hadisə yerindən qaçan çoxlu şübhəlinin olduğu və polisin təhlükəsizlik kamerası görüntülərini araşdırdığı vurğulanıb.
Reper bütün zamanların ən çox albom satan sənətçilərindən biri kimi tanınır. Beş Qremmi mükafatının qalibi və "Nice For What" kimi hitləri ilə tanınan Dreyk keçən il Amerika Səsyazma Sənayesi Assosiasiyası tərəfindən 200 milyon nüsxədən çox satan ilk sənətçi kimi mükafatlandırılıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər