Rusiyalı ifaçı ØneHeart (Dmitri Volınkin) ABŞ-da müəllif hüquqlarını pozmaqda günahlandırılır.
Kulis.az xəbər verir ki, ittihamçıların fikrincə, o, az tanınan musiqiçilərin əsərlərini orijinal müəlliflərin adını qeyd etmədən götürərək onların əməyini mənimsəyir.
Belə ki, amerikalı musiqiçi "My Head Is Empty" iddia edir ki, rusiyalı sənətçi onun treklərinin qapaq şəkillərini kopyalayaraq özününkü kimi təqdim edir. Hətta onun "Drimskeyp" musiqi şirkətinin nümayəndələrinə müraciətindən sonra belə problem həll olunmayıb.
Bundan əlavə, "My Head Is Empty" bildirir ki, Volınkinin qlobal miqyasda məşhurlaşan "Snowfall" hitinin əsas işini "Reydenşi" təxəllüslü digər bir ifaçı görüb. Buna baxmayaraq, Volinkin özünü əsas müəllif hesab edir və həmmüəllifin adını çox nadir hallarda qeyd edir.
Səsləndirilən ittihamlara cavab olaraq Volınkin "My Head Is Empty"yə məhkəməyəqədərki iddia məktubu göndərib. Rusiyalı musiqiçi həmkarından onun haqqında yalan ittihamların yayılmasını dərhal dayandırmağı tələb edib.
Qeyd edək ki, Tambovdan olan ØneHeart "Snowfall", "This Feeling", "Every Night" və "Neverending" kimi hitlərin müəllifidir. O, 2024-cü ildə rəqəmsal musiqi platformalarında böyük sıçrayış edərək, hətta dahi bəstəkar Pyotr Çaykovskini də geridə qoymuş və "Spotifay"da ən populyar rusiyalı musiqiçi zirvəsinə yüksəlmişdi.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər