“Kral Aslan”, “Qladiator”, ‘Karib dənizinin quldurları” kimi filmlərə bəstələdiyi musiqilərlə tanınan məşhur bəstəkar Hans Zimmer uzun müddətdir birlikdə olduğu sevgilisi Dina De Lukaya səhnədə evlilik təklifi edib.

Kulis.az xarici mediaya istinadən xəbər verir ki, Oskarlı musiqiçinin evlilik təklifi Londonun O2 Arenasında 20 min insanın qarşısında gerçəkləşib.

65 yaşlı məşhur soundtrack bəstəkarı "Səni niyə bura çağırdım? Çünki çox vacib bir şey soruşacam. Arxa qapını bağladın? Süd soyuducudadır? Dondurucuda şərbət varmı?" suallarından sonra "mənimlə evlənərsən?" sualını verib.

• Aqil Abbas "Ulduz"lu görüşlər"də
• Opera Teatrında “Milli Opera İncilərimiz”
• Təfəkkürün başqa kainatı - Murad Köhnəqala

Tamaşaçılar təklifdən sonra coşğuyla alqışladıqları üçün De Luka təklifi qəbul edib. Onlar səhnədə qucaqlaşıblar.

Konsertin qalan hissəsində De Luka Zimmerin yanında oturub. Zimmer 2010-cu ildə çəkilmiş "Başlanğıc" filmindəki məşhur "Zaman" əsərini ifa edib.

Qeyd edək ki, daha əvvəl iki dəfə evli olan alman bəstəkar karyerası ərzində 12 Oskar mükafatına namizəd olub. O, 1994-cü ildə Disney filmi "The Lion King" və 2021-ci ildə "Dune" filminə görə Ən Yaxşı Soundtrack kateqoriyasında Oskar qazanıb.

• Aqil Abbas "Ulduz"lu görüşlər"də
• Opera Teatrında “Milli Opera İncilərimiz”
• Təfəkkürün başqa kainatı - Murad Köhnəqala