Dünya Gənc Türk Yazarlar Birliyinin Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi ilə həyata keçirdiyi "Cəbhədən cəmiyyətə" Müharibə iştirakçısı yazarlarla səngər yoldaşlarının görüşləri adlı layihə çərçivəsində 44 günlük Vətən müharibəsi iştirakçısı olan yazarların müxtəlif janr və məzmunlu yaradıcılıq örnəklərindən ibarət yeni nəşr olunmuş "Mən vətənəm" kitabının təqdimatı mərasimi keçirilib.

Kulis.az xəbər verir ki, bu barədə layihə rəhbəri, Dünya Gənc Türk Yazarlar Birliyinin başqanı İntiqam Yaşar məlumat verib.

Mingəçevir Dövlət Universitetində baş tutan tədbirdə Dünya Gənc Türk Yazarlar Birliyinin Məsləhət Şurasının üzvü, şair Elşən Əzim, Dünya Gənc Türk Yazarlar Birliyinin üzvü, şair Elməddin Nicat, Vətən müharibəsi iştirakçısı, Dünya Gənc Türk Yazarlar Birliyinin üzvü Həsən Kür, Mingəçevir Dövlət Universitetinin tələbə və müəllim kollektivi iştirak edib.

Tədbirə dəvət olunmuş Vətən müharibəsi iştirakçılarının cəbhə ilə bağlı təəsürüatları, tələbə-gənclərə tövsiyələri dinlənilib. Tədbirin sonunda müzakirələrdə aktiv iştirak edən müəllim və tələbələr diplomlarla təltif edilib.

Qeyd edək ki, adıçəkilən kitabın Sumqayıt şəhərində, Samux rayonunda və Gədəbəy rayonunda 44 günlük Vətən müharibəsi iştirakçılarının, gənclərin və ictimaiyyət nümayəndələrinin iştirakı ilə geniş təqdimat törənləri təşkil olunacaq.

• İlber Ortaylı xəstəxanada reanimasiyaya yerləşdirildi
• "Bizim vaxtımızda" ifadəsi niyə dilimizdən düşmür?
• Bu gün Ramazan bayramıdır