Tanınmış şair Məmməd İsmayıl AYB-nin birillik təqaüdündən imtina edib.
Kulis.az Məmməd İsmayılın qərarıyla bağlı AYB-nin mətbuat xidmətinin rəhbəri Xəyal Rzanın açıqlamasını təqdim edir:
"Məsələ burasındadır ki, AYB-nin heç bir üzvlə problemi, qərəzi yoxdur, xüsusilə də, gözəl şairimiz Məmməd İsmayılla. Anar müəllimin təşəbbüsü ilə Məmmməd İsmayıla dördotaqlı mənzil verilib, bundan əlavə, Məmməd müəllim AYB-də katib işləyib. Üstəgəl, təqaüd hər il bəlli sayda verilir və bu dəfə də Anar müəllimin təşəbbüsü ilə Məmməd müəllim səhhətilə bağlı olaraq digər 50 nəfər kimi həmin siyahıya salınıb".
Xəyal Rza qeyd edib ki, bu, Məmməd müəllimin öz qərarıdır:
"Anar müəllimin onun haqqında yazısı da var, AYB onun yubleyini də keçirib. Deməyim odur ki, Yazıçılar Birliyinin heç bir üzvü ilə, xüsusilə də, Məmməd İsmayılla problemi yoxdur. Biz həmişə münasibətləri yaxşı tutmağa, imkanımız nəyə çatırsa, üzvlərimizə kömək etməyə çalışmışıq. Hazırda imkanımız təqaüdə çatırdı. Bu, bildiyimiz kimi birillik təqaüddür, daimi deyil. Əgər başqa statuslu təqaüd arzulayırsa, bu bizim imkanlarımız daxilində deyil.
Biz verməyəndə də pis oluruq, verəndə də. Müraciətlər çox olur, Yazıçılar Birliyinin katibliyi müraciətlərin hamısını müsbət qarşılaya bilmir, ona görə də bu məsələyə bəlli növbəçilik prinsipilə yanaşırlar .
Məmməd müəllimə Allah şəfa versin! Düşünürəm ki, tezlikilə sağalacaq, yazıb-yaradacaq və biz onun 85 illik yubleyini də yüksək səviyyədə qeyd edəcəyik".
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər