"Mədəniyyət Nazirliyinin aparat strukturu təsdiqlənib, yenilənmələr var".

APA-nın məlumatına görə, bunu mədəniyyət nazirinin birinci müavini Elnur Əliyev deyib.

Nazir müavini qeyd edib ki, yenilənmənin məqsədi müasir çağırışlara cavab verməkdir: "Mədəniyyət Nazirliyində artıq Strateji inkişaf və layihə idarəedilməsi şöbəsi təsis edilib. Eyni zamanda biz istəyirik ki, layihəyönümlü yanaşma, koorporativ idarəçilik tətbiq edilsin ki, konkret məqsədlər və hədəflərə yönümlü bir idarəçilik olsun".

E.Əliyev deyib ki, növbəti mərhələdə Mədəniyyət Nazirliyinin sistemində islahatlar aparılmalıdır: "Birinci hüquqi islahatlardır ki, bəzi müəssisələrdə hüquqi status tam formalaşmayıb. Bu da müəssisələrin fəaliyyətinə maneə törədir. İkinci istiqamətdə struktur dəyişiklikləri nəzərdə tutulur. Üçüncü istiqamət isə insan kapitalının inkişaf etdirilməsidir. Bunların ən yaxşı nümunəsi Azərbaycan Kino Agentliyidir. Bu yaxınlarda razılaşdırma prosesini yekunlaşdıracağıq. Bunun məqsədi kino kimi çox əhəmiyyətli sahənin tənzimlənməsi, sərmayələrin cəlb edilməsini təmin etməkdir. Eyni zamanda Azərbaycanın dünya kino səhnəsi kimi inkişaf etdirilməsidir. Biz Azərbaycanın kino çəkilişi baxımından çox maraqlı səhnə olmasını sübut etməliyik. Bu mövcud infrastrukturun aktivlərinin düzgün formatda çəkilib təqdim edilməsidir".

• Azərbaycan Dövlət Uşaq Filarmoniyası: 2025-ci ildəki mədəniyyət yolçuluğu
• Qurban Qurbanovun açıqlamaları biabırçılıqdır
• Elton Conun ailə fotosu Milli Portret Qalereyasında asıldı