Milli İncəsənət Muzeyində Azərbaycan Respublikasının Prezidentinin müvafiq sərəncamları ilə dövlət təltiflərinə layiq görülmüş mədəniyyət və incəsənət xadimlərinin bir qrupunun mükafatlandırma mərasimi baş tutub.
APA xəbər verir ki, tədbirdə mədəniyyət naziri Anar Kərimovla yanaşı, mədəniyyət və incəsənət nümayəndələri iştirak edib.
Çıxış edən Anar Kərimov təltif edilən incəsənət xadimlərini təbrik edib: "Mənim üçün fəxrdir ki, mədəniyyətimizə töhfə verən şəxslərlə təmasda olur, onlara mükafatlarını təqdim edirəm".
Nazir incəsənət xadimlərinə dövlət qayğısından söz açıb: "Təsadüfi deyil ki, daima dövlət tərəfindən incəsənət xadimlərinə diqqət ayrılır. Mədəniyyət üçün xidmət edən, onun inkişafı üçün zəhmət çəkən hər bir kəs, mənim üçün, mədəni əsgərlərdir. Hərbi təhlükəsizliyimizi ordumuz qoruduğu kimi, mədəni təhlükəsizliyimizi də məhz mədəniyyət sahəsində xidmət edən şəxslər qoruyur. Bu səbəbdən, mədəniyyət sahəsində çalışanlara bundan sonrakı fəaliyyətlərində uğurlar arzu edirəm".
Daha sonra mükafatlandırılan şəxslər mədəniyyət naziri Anar Kərimov tərəfindən təltif edilib.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
