“Tənhalığın yüz ili” serialının yayımlanacağı tarix məlum olub.
Kulis.az xəbər verir ki, serial dekabrın 11-də “Neflix” striminq servisində yayımlanacaq.
Nobel mükafatı laureatı Qabriel Qarsiya Markesin eyniadlı romanı əsasında çəkilmiş “Tənhalığın yüz ili” adlı ispandilli serialda əsas rolları Klaudio Katano, Jeronimo Baron, Marko Qonzales ifa edib.
Serialın rejissoru Laura Mora Orteqa və Alex Garcia Lopez, ssenari müəllifləri Natalia Santa, Camila Brugge və Alberto Albatros Gonzalesdir. Layihənin icraçı prodüserləri yazıçının oğulları Rodriqo Qarsiya və Qonzalo Qarsiya Barçadır.
Xatırladaq ki, 1982-ci ildə ədəbiyyat üzrə Nobel mükafatına layiq görülmüş kolumbiyalı yazıçının “Tənhalığın yüz ili” romanı 1967-ci ildə nəşr olunub. Dünya ədəbiyyatının şah əsərlərindən sayılan magik realizmin və Latın Amerikası ədəbiyyatının ən vacib nümunələrindən hesab olunur.
Qeyd edək ki, 2014-cü ildə vəfat edən Qabriel Qarsiya Markes sağlığında dəfələrlə romanının ekranlaşdırılmasına qarşı çıxmışdı. APA
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər