Manana: "Məqsədimiz Azərbaycan-Gürcüstan dostluğunu möhkəmləndirməkdir"

Media

Ana səhifə
Media

Manana: "Məqsədimiz Azərbaycan-Gürcüstan dostluğunu möhkəmləndirməkdir"

20 noyabr 2023

10:21

Tbilisidə Azərbaycanın Əməkdar artisti Manana Caparidzenin konserti olub.

Kulis.az xəbər verir ki, tədbirdə Azərbaycan və gürcü ictimaiyyətinin nümayəndələri iştirak ediblər.

M.Caparidze konsertdə “Can Azərbaycan”, “Şalaxo”, “Qüdrətlidir Bizim Qafqaz”, “Bakı” və digər sevilən mahnılarını ifa edib.

Konsertdə, həmçinin Əməkdar artistin yeni klipinin təqdimatı olub.

Klipin rejissoru Laşaman Meunargiya, prodüseri Zurab Tsmarişvilidir. Klipdə M.Caparidzenin duet ortağı gürcü həmkarı Dato Neparidzedir.

Manana deyib ki, kliplə bağlı təklif Gürcüstan tərəfdən gəlib. Klip iki gəncin sevgisindən bəhs edir. Bu obrazlar isə peşəkar aktyorlar tərəfindən canlandırılıb.

Əməkdar artist mahnını ifa edib. Əsərdə Əli və Nino sevgisi nümunə götürülüb.

M.Caparidze sonda əlavə edib: “Məqsədimiz iki dost ölkə olan Azərbaycan ilə Gürcüstan arasında əlaqələrin inkişafına xidmət etməkdir. Düşünürəm ki, bu klip xalqlarımız arasında mədəni əlaqələri daha da genişləndirəcək və möhkəmləndirəcək. Çünki bu klipdə qədim Azərbaycan və gürcü musiqilərindən istifadə olunub”.

AZƏRTAC