Əlibaba Məmmədovun 90 illiyi qeyd olundu

Media

Ana səhifə
Media

Əlibaba Məmmədovun 90 illiyi qeyd olundu

27 dekabr 2019

10:15

Beynəlxalq Muğam Mərkəzində Xalq artisti Əlibaba Məmmədovun 90 illik yubileyinə həsr olunmuş konsert proqramı keçirilib.

Kulis.az xəbər verir ki, tədbir Azərbaycan Prezidentinin Əlibaba Məmmədovun 90 illik yubileyinin keçirilməsi haqqında imzaladığı müvafiq Sərəncamına əsasən təşkil olunub.

Konsertdən əvvəl musiqi məktəbinin direktoru, Xalq artisti Teymur Göyçayev özünəməxsus ifa üslubu, məlahətli səsi və yüksək səhnə mədəniyyəti olan Əlibaba Məmmədovun uzun illər Bülbül adına Orta İxtisas Musiqi Məktəbində gənc nəslə muğam və xalq mahnılarımızın incəliklərini məhəbbətlə öyrətdiyini söyləyib.

Bülbül adına Orta İxtisas Musiqi Məktəbinin şagirdləri konsertdə Azərbaycan bəstəkarlarının əsərlərini və ustad xanəndənin repertuarındakı muğam və bəstələri ifa ediblər.