Leypsiq kitab yarmarkası Almaniyada böyüklüyünə görə Frankfurt kitab yarmarkasından sonra ikincidir. Hər il keçirilən sərgi dörd gün davam edir.
Kulis.az xəbər verir ki, bu il sərgi aprelin 27-dən 30-dək keçiriləcək. Leypsiq yarmarkasının direktoru Oliver Sillenin sözlərinə görə, sərgiyə 130 min ziyarətçinin gələcəyi gözlənilir. 2019-cu ildə, pandemiyaya qədər yarmarkanı 216 min nəfər ziyarət edib. Sille vurğulayır ki, belə uzun fasilədən sonra əvvəlki səviyyəyə qayıtmaq üçün vaxt tələb olunur. Əgər bu il böhranaqədərki göstəricinin 60 faizini əldə etsək, o halda bu, şübhəsiz uğur olacaq.
Ötən il bir çox nəşriyyat koronavirus infeksiyasından ehtiyat edərək yarmarkada iştirakdan imtina etdilər. Lakin artıq indi təşkilatçılar 2019-cu illə müqayisədə təqribən 75 faiz eksponentdən iştirak üçün müraciət alıblar. Onlar Leypsiqə gəlməyi arzulayanların sayının artacağına ümid edirlər.
Yarmarka çərçivəsində həm sərgi ərazisində, həm də şəhərin özündə çoxsaylı müxtəlif tədbirlərin keçirilməsi planlaşdırılır. Bundan başqa, 200 qiraət zalı açılacaq. Kitab barı da yeniliklərdən birinə çevriləcək, yarmarkada əsərləri təqdim olunan yazıçılarla ziyarətçilərin görüş və diskussiya yeri olacaq.
AZƏRTAC
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
