Rusiya Dövlət Dumasının deputatı, Xalq artisti Nikolay Burlyayev görkəmli şair Mixail Lermontovun (1814-1841) ölümünün təfərrüatlarının araşdırılması ilə bağlı İstintaq Komitəsinə müraciət ünvanlayıb.
Kulis.az xəbər verir ki, Burlyayevin bildirdiyinə görə, dueldən dərhal sonra qeyri-qanuni və qeyri-dəqiq istintaq aparılıb. Bu, kriminalistika və səhiyyə sahəsi üzrə çalışan mütəxəssislər, həmçinin Lermontovun yaradıcılığını öyrənən araşdırmaçılar tərəfindən də təsdiq olunub. Sənədlərdə xüsusi qeyd edilib ki, güllə şairin bədənindən “qeyri-adi trayektoriya ilə”, aşağıdan yuxarıya və demək olar ki, 40 dərəcə bucaq altında keçib.
“Rusiya Federasiyası İstintaq Komitəsinin ixtiyarında olan mövcud texnologiyalardan istifadə edilməklə müasir, ədalətli, vicdanlı araşdırma aparılmasını xahiş edirəm”, – deyə məlumatda qeyd olunur.
Dövlət Dumasının deputatı bildirib ki, müəyyən olunmuş bütün faktlara əsaslanaraq hadisənin təfərrüatlarını aydınlaşdırmaq üçün hərtərəfli araşdırma aparılmalıdır.
Qeyd edək ki, M.Lermontov 26 yaşında mayor Nikolay Martınovla aralarında baş vermiş duel zamanı həlak olub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər