Leonardo da Vinçi, Sandro Botticelli və Rembrandt kimi klassik rəssamların rəsmlərini tədqiq edən alimlər çox maraqlı nəticələr əldə ediblər.
Kulis.az xəbər verir ki, “Nature Communications” elmi jurnalında dərc edilən yeni araşdırmaya görə, yağlı boya ilə çəkilmiş rəsmlərdə bəzi növ zülallara rast gəlinib.
İntibah dövründə nüfuzlu sənətkarları arasında “yumurta sarısı”ndan şüurlu şəkildə istifadə edildiyi üzə çıxıb.
Araşdırmada iştirak edən yazar Ophélie Ranquet, "Rəssamların boyaları necə əldə etdikləri barədə çox az məlumatımız var idi və bu mənada dərin elmi araşdırma yox idi. Yeni araşdırma etdikdə isə rəssamın boyalara az miqdarda yumurta sarısı əlavə edərək inanılmaz nəticələr əldə etdiyini öyrəndik", - deyə qeyd edib.
Məlum olub ki, yumurta sarısı həm bədii əsərə estetikliyinə təsir edir, həm də zaman keçdikcə əsərin qorunmasında böyük rol oynayır.
Yağlı boya rəng keçidlərində və rənglərin intensivliyində uğurlu olsa da, onunla çəkilmiş rəsmlər işığa məruz qaldıqda zədələnə bilir.
Yumurta sarısının tərkibindəki antioksidantlar isə tablonun köhnəlməsini və oksidləşməsini gecikdirir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər