Sirli-sehrli Leonardo da Vinçinin, təxminən, 530 il əvvəl çəkdiyi sirli tunellərin yeri məlum olub.
İtaliyalı rəssam, memar, ixtiraçı, anatomist, musiqiçi və daha çox... 15-ci əsrdə yaşamış və dünyanın ən böyük dahilərindən biri hesab edilən Leonardo da Vinçinin saysız-hesabsız açılmamış sirləri var... Amma bu dəfə tədqiqatçılar, nəhayət ki, məşhur dahi şəxsiyyətin maraqlı rəsmlərindən birinin arxasındakı həqiqəti üzə çıxarıblar.
Kulis.az xəbər verir ki, Milanda Sforza qalasının altında Da Vinçinin 1495-ci ildə çəkdiyi sirli tunellər aşkar edilib.
13-cü əsrə aid qalanın altında niyə belə gizli keçidlərin tikildiyi dəqiq bilinmir, lakin mütəxəssislərin fikrincə, ərazidə daha çox tunelin aşkar olunacağı ehtimalı yüksəkdir.
Milan Politexnik Universitetinin tədqiqatçıları qalanın işçiləri və mühəndislik şirkəti Codevintec İtaliana ilə birlikdə bütün Sforza qəsrini rəqəmsal skan etmək üçün yeni bir üsul hazırlayıblar.
Lazer, GPS və yerə nüfuz edən radar sistemləri ilə aparılan təhlillər nəticəsində tunellərin Da Vinçinin rəsmləri ilə demək olar ki, tam uyğunlaşdığı görülüb.
"İndiki Sforza qalası ilkin ölçüsünün yalnız altıda bir hissəsidir. Bu, şəhərin altında hələ də çoxlu kəşf edilməmiş xarabalıqların ola biləcəyini göstərir", - tədqiqatın rəhbərlərindən biri Francesco Biolo deyib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər