Klassik musiqi gecəsi keçirildi

Klassik musiqi gecəsi keçirildi
6 may 2023
# 10:01

Bakı Şəhər İcra Hakimiyyəti və Azərbaycan Respublikası Mədəniyyət Nazirliyinin birgə təşkilatçılığı ilə Azərbaycan xalqının Ümummilli Lideri Heydər Əliyevin 100 illik yubileyi ilə əlaqədar Azərbaycan Dövlət Akademik Filarmoniyasında klassik musiqi gecəsi keçirilib.

Kulis.az xəbər verir ki, Bakı Şəhər İcra Hakimiyyətinin mətbuat xidmətindən APA-ya verilən məlumata görə, tədbirdə BŞİH-nin başçısı Eldar Əzizov, bir sıra dövlət qurumlarının rəhbərləri, Milli Məclisin deputatları, paytaxt ictimaiyyətinin nümayəndələri, ali və orta təhsil müəssisələrinin, veteran və gənclər təşkilatının nümayəndələri, elm və mədəniyyət xadimləri və çoxsaylı qonaqlar iştirak ediblər.

Qeyd olunub ki, Ulu Öndərin Azərbaycanda hakimiyyətə gəldiyi ilk illərdə onun təşəbbüsü ilə mədəniyyətin bir çox sahələrinə, o cümlədən klassik və simfonik musiqiyə insanların marağının və bu sahədə biliklərinin artırılması, bu musiqini geniş tamaşaçı kütləsinə sevdirmək məqsədi ilə Dövlət Filarmoniyasında respublikanın dövlət xadimləri, xalq təsərrüfatının bütün sahələrinin rəhbər işçilərinin, elm və mədəniyyət xadimlərinin, partiya, həmkarlar ittifaqları və komsomol sahələrində çalışanların, bir sozlə o vaxtkı siyasi elitanın iştirakı ilə klassik musiqi gecələri təşkil olunurdu. Dünya və Azərbaycan bəstəkarlarının simfonik və klassik əsərləri səslənən bu gecələrdə Ulu Öndər hər zaman özü, çox vaxt isə ailə üzvləri ilə birlikdə iştirak edirdi.

Ulu Öndərin 100 illik yubileyi ərəfəsində onun əziz xatirəsinə bir ehtiram olaraq, həm də ötən əsrin 70-ci illərindəki klassik musiqi gecələrini xatirələrdə əks etdirən və Ulu Öndər Heydər Əliyevin ən çox sevdiyi klassik əsərlərin yer aldığı proqram təşkil olunub. Bu klassik musiqi gecəsi həmçinin Ulu Öndərin əziz xatirəsinə ehtiramın musiqi dilində ifadəsi olub.

İlk olaraq Mustafa Mehmandarovun dirijoru olduğu Üzeyir Hacıbəyli adına Azərbaycan Dövlət Simfonik orkestri Üzeyir Hacıbəylinin "Koroğlu" operasından "Uvertyura" ifa edib.

Daha sonra orkestrin və Xalq artisti Gülbacı İmanovanın rəhbəri olduğu Azərbaycan Dövlət Xor Kapellasının müşayiətləri ilə dünya şöhrətli Azərbaycan bəstəkarları Üzeyir Hacıbəyli, Qara Qarayev, Müslüm Maqomayev, Cahangir Cahangirov, Arif Məlikov, Niyazi, Vasif Adıgözəlov, Kamal, Sevil Əliyeva, Ruslan Zeynalov və başqalarının ölməz əsərləri və xalq mahnıları Xalq artistləri Fidan Hacıyeva, Azər Zeynalov, Əməkdar artistlər Ramil Qasımov, İlham Nəzərov, Anar Şuşalı, Ceyla Seyidova, Xəyyam Mustafazadə, Afaq Abbasova, Sahib Paşazadə və tanınmış ifaçı Amil Həsənoğlu tərəfindən səsləndirilib.
Tamaşaçılara unudulmaz anlar bəxş edən konsert çox təsirlı və yaddaqalan keçib və alqışlarla qarşılanıb.

# 1444 dəfə oxunub

Oxşar xəbərlər

Məşhur müğənninin maşınından meyit tapıldı

Məşhur müğənninin maşınından meyit tapıldı

18:20 10 sentyabr 2025
Hollivud aktyoru həbs olundu

Hollivud aktyoru həbs olundu

17:30 10 sentyabr 2025
Bursada “Azərbaycan günləri” keçiriləcək

Bursada “Azərbaycan günləri” keçiriləcək

15:59 10 sentyabr 2025
Türkiyəli aktyordan gözlənilməz addım

Türkiyəli aktyordan gözlənilməz addım

15:30 10 sentyabr 2025
Uşaqdan uşaq gözləyənlər... - 14 yaşlı qızı nişanlayanlar niyə qorxmur?

Uşaqdan uşaq gözləyənlər... - 14 yaşlı qızı nişanlayanlar niyə qorxmur?

14:35 10 sentyabr 2025
Prezident Səməd Vurğun adına Yaradıcılıq Evinin  açılışında iştirak etdi

Prezident Səməd Vurğun adına Yaradıcılıq Evinin açılışında iştirak etdi

14:24 10 sentyabr 2025
Ana səhifə Yazarlar Bütün xəbərlər