Mədəniyyət Nazirliyi tərəfindən “Kinematoqrafiya haqqında” Azərbaycan Respublikasının Qanununun günümüzün tələblərinə uyğunlaşdırılmasının təmin edilməsi məqsədilə peşəkar mütəxəssislərdən ibarət işçi qrupu yaradılıb.
Kulis.az xəbər verir ki, bu barədə APA-nın sorğusuna cavab olaraq nazirlikdən məlumat verilib.
Bildirilib ki, “38 nömrəli qərar”a dəyişiklik də daxil olmaqla yeni təkliflər paketi hazırlanıb müvafiq qurumlara təqdim ediləcək.
Sözügedən qanuna dəyişikliklə bağlı bir müddət öncə Azərbaycan Kinematoqrafçılar İttifaqının (AKİ) sədri Xalq artisti Rasim Balayev də Baş nazir Əli Əsədova açıq müraciət ünvanlamışdı.
Mövzu ilə bağlı İttifaqdan APA-nın sorğusuna cavab olaraq isə qeyd olunub ki, müraciətdən sonra həm Nazirlər Kabinetinin, həm də Hesablama Palatasının rəhbərliyindən Rasim Balayevə müəyyən reaksiyalar olub.
“Müraciətin ardından Rasim Balayevlə Nazirlər Kabinetinin və Hesablama Palatasının rəhbərliyindən əlaqə saxlanılıb və sözügedən qərarın dəyişdirilməsi, günümüzə adaptasiya edilməsi istiqamətində aidiyyəti şöbələrdə iş aparıldığı bildirilib”.
O da vurğulanıb ki, adıçəkilən qərar Müəllif Hüquqları Agentliyinin fəaliyyət sahəsinə aid olduğundan AKİ sədri problemlə bağlı Agentliyin rəhbərliyinə də müraciət ünvanlayıb.
Xatırladaq ki, Azərbaycan Kinematoqrafçılar İttifaqının sədri Xalq artisti Rasim Balayev bir müddət öncə Baş nazir Əli Əsədova müraciət ünvanlamışdı.
Müraciətdə Hesablama Palatasının dövlət sifarişini icra edən dövlət studiyalarında apardığı yoxlamalarda müəllif qonorarlarının sözügedən qərarda təsbit edilmiş məbləğlərdən çox olması məsələsinin əsas problemlərdən biri olduğu qeyd olunmuşdu.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər