Bu gün böyük türk aktyoru Kamal Sunalın anım günüdür.

Kulis.az bu münasibətlə aktyor haqqında bilinməyən 10 maraqlı faktı təqdim edir.

1. 10 noyabrda doğulub, ancaq həmin gün Atatürkün ölüm günü olduğu üçün ad gününü həmişə 11 noyabrda qeyd edirdi.

2. Bir dəfə bir nəfər Kamal Sunalın qızı Ezo Sunala “Məni atanız böyütdü” – deyir. Ezo xanım təəccüblə “Necə yəni?” – deyə soruşanda dediyinə aydınlıq gətirir: “Balaca idim. Atam ölmüşdü. Anam işə gedirdi. Bacım ev işlərini görmək üçün ard-arda Kamal Sunal filmlərini qoyurdu və bilirdi ki, filmlər bitənə qədər televizorun qarşısından qalxmayacam.”

3. Həyat yoldaşı Gül Sunay ilə tanışlıqdan sonra düz iki il yarım məktublaşmışdı.

4. Yaşadıqları ev o qədər rütubət olub ki, qonaq gələndə qoxunu itirmək üçün kartof qızardırmışlar.

5. İlk serialı “Qəmbəy bəy”in gözlənilən tamaşaçı toplaya bilməməsinin səbəbi eyni saatda başqa kanallarda Kamal Sunal filmlərinin yayımlanması olub. Özü özünə qarşı...

6. 48 yaşında dissertasiya mövzusunu özündən götürüb və “Məni kimsə araşdırmayacaq, ona görə özüm edirəm” demişdi.

7. Orta məktəbdə övladlarını şagird yoldaşları “İnəyin uşağı” deyə ələ salırmışlar.

8. Evdə həmişə filmdəki paltarlarda gəzərmiş.

9. Çiy küftənin hazır olub-olmadığını yoxlamaq üçün tavana atan məşhurun təkcə İbrahim Tatlısəs olduğunu düşünürsünüzsə, yanılırsınız. Kamal Sunal da bunu tez-tez edib Gül Sunalı əsəbiləşdirirmiş.

10. Çiy küftə sevgisindənmi, yoxsa səsinin gözəlliyindənmi, ən çox İbrahim Tatlısəsi dinləyərmiş.

• Xalq artisti Aleksandr Şarovski reanimasiyadadır, vəziyyəti ağır-stabildir
• İn-Yan - Anar Şamilin hekayəsi
• "Elə yaşamalısan ki, hətta əclafların da yadında qalasan..." - Məşhur aktrisadan aforizmlər