Kulis.az dosent Zaur Əliyevin "İngilis bicliyi, Osmanlı saflığı, bir siqaret" yazsını təqdim edir.

Fotoda Britaniya imperiyasının casus və soyuqqanlı qatil Riçard Maynertshaqendir.

Birinci Dünya müharibəsi illərində "Kral Afrika Atıcıları" ilə birlikdə Şərqi Afrikada alman qoşunları ilə bir neçə döyüşdə iştirak etmiş və 1917-ci ildən Osmanlı imperiyası ilə savaşda həm casus xidmətində, həm də orduda xidmət edib.

Britaniya 1917-ci ildə Fələstində savaş zamanı ən güclü müqaviməti Osmanlı əsgərlərindən alırdı. Mövqe, silah və döyüş bacarığı baxımdan ingilislər Osmanlılar qarşısında məğlub vəziyyətdə idi.

Britaniya kəşfiyyatı bütün cəhdlərinə baxmayaraq, osmanlıların zəif nöqtəsini tapa bilmirdilər. Bu isə Britaniya ordusuna günü-gündən ağır zərbələr vururdu. Riçard Maynertshaqen casus xidməti axır ki, istədiyi zəif nöqtəni tapa bilir.

Məlum olur ki, Osmanlı əsgərlərinin hər cür təminatı olmasına baxmayaraq, çətinlik çəkdiyi siqaret idi. Osmanlılara qalib gəlməyin yolunu tapan Britaniya casusu 10 min siqaret qutusunu və içərisinə “təslim olun, təminatınız daha yaxşı olsun” sözləri yazaraq təyyarə ilə əsgərlər olan əraziyə atılmasını əmr edir.

Osmanlı əsgərləri siqareti götürüb çəkməyə başlayırlar və yazı olan hissəsini isə ocaqda yandırırdılar. Bir müddət Osmanlıların təslim olmasını gözləyən casus istədiyi nəticəni əldə etməyəndə ikinci plana əl atır.

Yenidən 10 min qutu siqaret hazırlanmasını tapşıran Riçard Maynertshaqen tütünün içərisinə tiryək qoyulmasını əmr edir. Bu uyuşdurucu maddə siqaret ilə birlikdə çəkilməklə də istifadə olunur. Qısamüddətli zövq və halsızlıq, yuxu verir.

Ertəsi gün ingilislər hücuma keçəndə Osmanlılar onlara faktiki olaraq heç bir müqavimət göstərmədilər. Onların çoxu atmaq bir yana, ayaq üstə dura bilmirdi. Osmanlı qoşunları məğlub oldu.

Bu hadisədən sonra Britaniya casusu belə söz deyir:

“Müharibədə bütün vasitələr yaxşıdır və bəzən sadə hiyləgərlik hərbi strategiyadan daha böyük uğur qazana bilər.”

• Nəriman Həsənzadənin son vəziyyəti
• Krımın ən güclü qadını necə Sovet cəhənnəminə atıldı? - Bakının faciəli "qonağ"ı
• Xalq yazıçısı Anardan yeni kitab: "Qatardan qalan adam"