"Hər dəfə sifonu çəkəndə, yadıma düşür..." - Amil Amaldan minimalist şeirlər

"Hər dəfə sifonu çəkəndə, yadıma düşür..." - Amil Amaldan minimalist şeirlər
9 fevral 2024
# 14:00

Kulis.az Amil Amalın yeni minimalist şeirlərini təqdim edir.

Dedim, bir sığal çəkim
qızılgül tikanlarına.

Əlim qana batdı.

***

Sanki üç saniyəyə qocalırdılar
saçlarına qar düşən uşaqlar.

***

Görən olurmu heç
suda boğulan balıq?

***

Sümsük qəbiristanlıq itləri
görmürdülər,
sümük xəzinənin
üzərində gəzirlər.

***

Hər dəfə sifonu çəkəndə
yadıma düşür
fotolardakı
bir dəri, bir sümük
afrikalı uşaqların
su dilənən ovucları.

***

"Vaxt yoxdur” deyən adamın
“Vaxt vardı” deməsi olmur.

***

Evdə üç nəfərik,
atam, anam və mən.

Bütün toylara məni göndərirlər,
bütün yaslara isə özləri gedir.

***

Pambıq tarlaları görüb
bəlkə də buna görə
Tanrı qar yağdırmırdı
şoran torpaqlara.

# 2796 dəfə oxunub

Oxşar xəbərlər

Cadugərliyin faciələrlə dolu  tarixi... - 300 il ərzində əlli min qadın niyə yandırılmışdı?

Cadugərliyin faciələrlə dolu tarixi... - 300 il ərzində əlli min qadın niyə yandırılmışdı?

14:00 22 noyabr 2026
Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

10:00 22 noyabr 2026
Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

15:26 21 noyabr 2026
Azərbaycan dünyanın ən böyük nağıl festivalında

Azərbaycan dünyanın ən böyük nağıl festivalında

15:10 21 noyabr 2026
"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
#
#
Ana səhifə Reels Yazarlar Xəbərlər