Orda-burda danışırlar: Güneyli soydaşlarımız müstəqillik yox, molla rejimindən qurtulmaq istəyir. Cəfəngiyyatdır. Eyni rejimin ateist, hətta nisbətən sivil forması 1990-lara qədər bizim başımızın üstündə idi. Bəyəm bizim azadlıq davamız, sadəcə, kommunist rejimdən qurtulmaq davası idi? Bəyəm biz öz qanımızı "pis rus" və "yaxşı rus" uğrunda axıdırdıq?
Təqiblərə, təhqirlərə qalsa, cənubdakı azərbaycanlılar şah dövründə daha pis əzilirdilər. Çünki Sasani kimliyini İrana qaytarmaq istəyən şah İrandakı bütün xalqları farslaşdırmaq siyasəti yürüdürdü, milli kimliklərə divan tuturdu. Türkdilli məktəbləri İranda şah qadağan edib. Əksinə, molla rejimi şahın əzdiyi milli kimliklərə dini kimlik adı altında bərabərhüquqluluq statusu verdi. İranın indiki ideoloji gücü də bu statusdadır.
Demək istəyirəm ki, 40 milyonluq xalqın azadlıq davasını "yaxşı fars" - "pis fars" uğrunda gedən əbləh mübarizə kimi anlamaq və təbliğ etməyə haqqımız yoxdur.
Onda SSRİ dağılanda özümüz ruslara niyə demədik ki, ay brat, bizə müstəqil dövlət filan lazım deyil, içinizdən bir dənə "rıjı" "yaxşı oğlan" seçin, gəlib bizə yiyə dursun?
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər