Norveçdə yaşayan şair-yazıçı Günel Mövlud Rasim Qaracanın onun haqqında səsləndirdiyi fikirlərə öz feysbuk səhifəsində münasibət bildirib:

“Rasim Qaraca müsahibəsində deyib ki, Aqşin, Seymur, Günel öz şöhrətlərinin əsirinə çevrildilər, sonrakı gənc nəsilə dəstək vermədilər. Yazıq canım, bir sual üçün zəng edən gənc yazara saatlarla nəsə izah edirəm, yazılarını oxuyuram, məsləhət verirəm, bir ildir yazı dərsləri keçirəm, daha nə edim gənc yazarlara, övladlığa götürüm?”

Xatırladaq ki, bir neçə gün əvvəl tanınmış şair, yazıçı Rasim Qaraca öz müsahibəsində Aqşin Yeniseyin, Əli Əkbərin, Günel Mövludun, Seymur Baycanın adını çəkərək onların yaratdığı dalğanın özlərindən sonra davamı olmadığını deyib:

“Adını çəkdiyin yazarlar yaxşı nümunə sərgilədilər, hər birinin ədəbiyyat sahəsində atdığı addımları qəhrəmanlıq saymaq olar. Ancaq onların yaratdığı dalğa özündən sonra yeni dalğa yaratmadı. Bəlkə də onların nəzərləri daha çox öz şəxsi pesonalarına yönəldi, ədəbiyyata gələn boz axın içərisindən parlaq imzaları seçib onlara dəstək vermədilər – yeni dalğa yalnız bu cür yarana bilərdi, – bu yönləriylə hər zaman tənqid etdikləri yaşlı nəslə bənzədilər. Özünə qapanmaq, öz şöhrətinin əsirinə çevrilmək yazıçı üçün çox təhlükəlidir. Təsadüfi deyil ki, adını çəkdiyiniz yazarların heç biri öz əvvəlki səviyyələrini qoruya bilmədi”.

• "Erməni qızları gecə-gündüz ona xidmət edirdilər" - Türk qətliamının pərdəarxasında kim var idi?
• Kölgəsi yoxa çıxan adamın faciəsi - Xoşbəxtliyin reseptini bilən yazıçı
• Məşhur bakılı Tokio həbsxanasında - Mirzə Alik