Nizami Kino Mərkəzində Azərbaycan Könüllülər İctimai Birliyinin təşkilatçılığı ilə sayca dördüncü dəfə “Golden Kıds Awards 2022” uşaq nominasiyaları üzrə mükafatlandırma mərasimi keçirilib.

Kulis.az xəbər verir ki, tədbir Dövlət Himninin səsləndirilməsilə başlayıb.

Azərbaycan Könüllülər İctimai Birliyinin (AKİB) prezidenti İmaməddin Quliyev iştirakçılara gələcək fəaliyyətlərində uğurlar arzulayıb. O, bu layihənin istedadlı uşaqlar və gənclər üçün motivasiya xarakteri daşıdığını vurğulayıb. “Bu məsələ təşkilatımız tərəfindən daima diqqət mərkəzində saxlanılır, çünki uşaq və gənclərin fiziki və mənəvi inkişafı ölkəsinin, yaşadığı cəmiyyətin, xalqının inkişaf göstəricisidir. Uşaqlar və gənclər bizim gələcəyimizdir”.

AKİB-in Mədəniyyət və İncəsənət departamentinin rəhbəri Ülviyyə Bəbirli də layihənin “Şuşa İli” çərçivəsində keçirildiyini vurğulayaraq hər kəsə öz təşəkkürünü bildirib.

Böyük Qala-Gecənin aparıcıları Ceyhun Həsənli və Elnarə Sadıqova 22 nominasiya üzrə mükafatları təqdim etmək üçün Qala gecəsinin qonaqlarını və qalibləri səhnəyə dəvət edib.

Mükafatlandırma mərasimində Milli Məclisin deputatları, Mədəniyyət Nazirliyinin əməkdaşları, dövlət və QHT nümayəndələri, mədəniyyət və incəsənət xadimləri və başqaları iştirak ediblər.

Qeyd edək ki, AKİB-in Mədəniyyət və İncəsənət Departamentin təsis etdiyi “Golden Kids Awards” müsabiqəsi 2018-ci ildən keçirilir. Layihənin məqsədi 5-16 yaşadək olan uşaq və gənclərin iştirakını təmin edərək onların inkişafına, istedad və bacarıqlarının üzə çıxmasına dəstək olmaqdır.

• "Qızıl Portağal"ın münsifləri bəlli oldu
• Havalı Alı - Rüstəm Dastanoğlunun yeni hekayəsi
• Aydın Əzim: "Qara Qarayev Amerikadan gələndə onu Polad Bülbüloğlu ilə tapançayla qarşıladıq" - Müsahibə