Amerika Balet Teatrının baş rəqqasəsi, dünyanın ən tanınmış balerinalarından biri olan Gilyan Mörfi iyulun 18-də Nyu Yorkdakı Metropolitan Opera Evində "Qu gölü" tamaşası ilə səhnə fəaliyyətini yekunlaşdırıb.
Kulis.az xəbər verir ki, sənətçi karyerası boyunca "Don Kixot", "La Bayadere", "Jizel", "Zoluşka", "Yatan gözəl" və xüsusilə "Qu gölü" baletlərindəki baş rolları ilə yadda qalıb.
2005-ci ildə "PBS" tərəfindən lentə alınan "Odette və Odil" çıxışı ona dünya şöhrəti qazandırıb.
Gilyan Mörfi "Mariinski", "Royal Swedish Ballet", "Staatsballett Berlin", "Kiyev Baleti" və "Australian Ballet" kimi nüfuzlu səhnələrdə də kimi çıxış edib. O, həmçinin üç mövsüm Yeni Zelandiya Kral Baletində baş rəqqasə kimi çalışıb.
Qeyd edək ki, Mörfi dünyanın ən nüfuzlu balerinalarından biri hesab olunur və xüsusilə "Qu gölü" tamaşalarında ifa etdiyi Ağ və Qara qu quşları (Odette və Odil) rolları ilə məşhurlaşıb.
O, 1996-cı ildə cəmi 17 yaşında Amerika Balet Teatrına qoşulub, 1999-cu ildə solist, 2002-ci ildə isə baş rəqqasə adına layiq görülüb.
Gilyan Mörfi sənətə verdiyi töhfələrə görə 1998-ci ildə "Princess Grace" təqaüdü, 2009-cu ildə isə "Princess Grace" Heykəli mükafatı ilə təltif olunub. O, həmçinin UNCSA-nın fəxri doktoru və 2018-ci ildə Kaliforniya Sent-Meri Kollecinin fəxri məzunu adına layiq görülüb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
