"Yeni evlilərin ən böyük problemi məhz ev məsələsidir. Boşanmaların səbəblərindən biri də budur. Əgər ev yoxdursa, hansı sabitlikdən danışmaq olar?"

Kulis.az xəbər verir ki, bu sözləri yazıçı Günel Natiq öz feysbuk hesabında yazıb:

"Bəzən gənc ailələr valideynlərinin artıq dolub-daşan mənzilində yaşamaq məcburiyyətində qalırlar ki, bu da öz növbəsində lazımsız mübahisələrə, narazılıqlara və gərginliyə səbəb olur. Digərləri isə kirayədə qalaraq maaşlarının böyük hissəsini ev haqqına sərf edir, nəticədə maliyyə çətinlikləri ilə üzləşirlər. Bir qisim isə ipoteka kreditinə girib illərlə borc ödəmək məcburiyyətində qalır. Halbuki insanın banka cüzi borcu olanda belə, rahat yata bilmir – bəs 20-25 illik kredit yükü altında necə yaşamaq olar?"

Onun dediyini görə, Sovet dövründə gənc ailələr daha az problemlə üzləşirdilər:

"Sovet dövründə ailələrin mənzil təminatı var idi. Bir neçə il işlədikdən sonra ev almaq mümkün olurdu. Hətta fəhlələrə belə Bakının mərkəzində mənzillər verilirdi. İndi isə bu sistem aradan qalxıb. Bir çoxları hələ də sovetdən qalan mənzillərini satıb daha uzaq yerlərdə bir neçə ev almağa çalışır, amma bu da bir müddət sonra mümkün olmayacaq. Çünki artıq dövlət tərəfindən pulsuz mənzil verilmir və ev almaq getdikcə daha çətin bir problemə çevrilir".

• “Namiq Dəlidağlı – Sözdə görünən adam” kitabının təqdimatı oldu
• "Bunu kişilər qədər açıq-aşkar yaza bilmirsən..." - Azərbaycanda qadın yazıçı olmaq nə deməkdir?
• "Nə vaxt ölsəm, məni Londonda basdırın, barı meyidim ingilislərdən..." - "Kəsişən eyhamlar” üsulu, yaxud klassik irsdəki sirli mətləblərin açarı