Gəncədə yeni kitab evi istifadəyə verildi

Gəncədə yeni kitab evi istifadəyə verildi
20 aprel 2024
# 10:40

Gəncədə Azərbaycanda kitabxanaçılığa, savadlanmaya, maariflənməyə yeni nəfəs gətirən “BookZone" Kitab Evinin açılışı olub.

Kulis.az xəbər verir ki, açılış mərasimində Gəncə Şəhər İcra Hakimiyyətinin başçısı Niyazi Bayramov, Türkiyənin Gəncədəki Baş konsulu Recep Öztop, Gürcüstanın Gəncədəki vitse-konsulu Şota Dolidze, Gəncə Tibb Kollecinin direktoru, Əməkdar həkim Mehman Rzayev, DQİDK-nin Gəncə bölgəsi üzrə şöbə müdiri Həsən Məmmədov, “Cavad xan” Tarix və Mədəniyyət Fondunun vitse-prezidenti Müzadil Həsənov, "BookZone Group” MMC-nin təsisçisi və icraçı direktoru, ANAİB-in idarə heyətinin üzvü Seymur Tağıyev, “Parlaq imzalar” nəşriyyatının rəhbəri, ANAİB-in sədr müavini Nurman Tariq və digər rəsmilər iştirak ediblər.

Əvvəlcə Azərbaycanın müstəqilliyi, suverenliyi və ərazi bütövlüyü uğrunda canından keçən şəhidlərin əziz xatirəsi bir dəqiqəlik sükutla yad edilib.

Daha sonra simvolik olaraq, ədəbiyyatımızın görkəmli nümayəndələri dahi şair Nizami Gəncəvi və Məhsəti Gəncəvi mərasim iştirakçılarını salamlayıb, öz xeyir-dualarını veriblər.

Gəncə Şəhər İcra Hakimiyyətinin başçısı Niyazi Bayramov “BookZone" Kitab Evinin Gəncədə kitaba və kitabçılığa olan marağın artırılmasına töhfə verəcəyinə ümid etdiyini bildirib. O qeyd edib ki, gənclərin maarifləndirilməsi baxımından bucür məkanların faydası olduqca böyükdür.

“BookZone” Gəncə Kitab Evinin icraçı direktoru, Vətən müharibəsi iştirakçısı, ehtiyyatda olan zabit, yazıçı Mahir Hüseynov bildirib ki, əsas hədəfləri Gəncə şəhərinə yeni nəfəs gətirmək, uşaqlar, yeniyetmələr və gənclər arasında kitaba olan marağı artırmaq, Vətənini sevən, ziyalı fərdlərin yetişdirilməsinə töhfə verməkdir. O, göstərilən dəstəyə görə şəhər rəhbərliyinə və qonaqlara öz təşəkkürünü bildirib.

Açılış mərasimində çıxış edən natiqlər bildirblər ki, Gəncə tarixən elm və mədəniyyət mərkəzi olub. Nizami yurdunda bucür məkanların açılması olduqca sevindirici və təqdirəlayiq haldır.

Qonaqlar “BookZone” Gəncə Kitab Evinin fəaliyyətinə uğurlar arzulayıblar.

Rəsmi hissədən sonra rəsmilər Kitab Evi ilə tanış olublar. Filialın fəaliyyəti və gələcək planlar barədə tədbir iştirakçılarına məlumat verilib, kitablar hədiyyə edilib.

Qeyd edək ki, burada klassik, dedektiv, psixologiya, fəlsəfə janrında, şəxsi inkişafa və biznesə aid minlərlə kitab yer alır. “BookZone” Gəncə Kitab evində kafe də faəliyyət göstərir.

# 1086 dəfə oxunub

Oxşar xəbərlər

Roma Papası süni intellektə qarşı

Roma Papası süni intellektə qarşı

18:30 20 iyun 2025
Meloni Makrona niyə göz süzdürdü? - Replika

Meloni Makrona niyə göz süzdürdü? - Replika

17:56 20 iyun 2025
“Uzaq şəhər”in “Alya”sı: “Bir-birimizə çox öyrəşmişik...”

“Uzaq şəhər”in “Alya”sı: “Bir-birimizə çox öyrəşmişik...”

17:00 20 iyun 2025
İranın taleyi Təbrizdə həll olunacaq! - Həmid Herisçi

İranın taleyi Təbrizdə həll olunacaq! - Həmid Herisçi

16:10 20 iyun 2025
Kinorejissor ana və 11 aylıq qızını öldürdü - Meyitlər parkda tapıldı

Kinorejissor ana və 11 aylıq qızını öldürdü - Meyitlər parkda tapıldı

15:30 20 iyun 2025
Falçı qapısında yatan qadınlar, məsləhətlə ailə quran kişilər - Xəyanətə sürükləyən səbəb

Falçı qapısında yatan qadınlar, məsləhətlə ailə quran kişilər - Xəyanətə sürükləyən səbəb

14:00 20 iyun 2025
# # #