Fazil Mustafa: "Yusif Vəzir Çəmənzəminlinin nəşi Rusiyadan ölkəmizə gətirilməlidir"

Fazil Mustafa:  "Yusif Vəzir Çəmənzəminlinin nəşi Rusiyadan ölkəmizə gətirilməlidir"
29 dekabr 2023
# 14:30

Deputat Fazil Mustafa Milli Məclisin iclasında Yusif Vəzir Çəmənzəminlinin nəşinin Rusiyadan ölkəmizə gətirilməsi ilə bağlı danışıb.

Kulis.az-ın suallarını cavablandıran Millət vəkilinin sözlərinə görə, bu bizim mənəvi borcumuzdur:

“Məsələnin tarixi önəmindən çox mənəvi önəmi var. Hökumət komissiyası yaradımalıdır. Bu prosedur bizdə var. 1982-ci ildə mərhum Heydər Əliyev Kommunist Partiyasının Birinci katibi olanda bunu edib. Onda şərtlər daha ağır idi. Sovet məkanın daxilində hələ repressiya ilə bağlı müəyyən problemlər var idi. Çox şeylərin açıqlanmasını istəmirdilər.

Ən azı, onun nəşinin dəfn olunduğu yer bəllidir. Bəziləri deyir, oranı su basıb. Məzarın indiki vəziyyətini mən də dəqiq bilmirəm. Bunu komissiya müəyyən etməlidir. Ümumiyyətlə, bu məsələyə baxılmalıdır.

Deputat qeyd edib ki, biz xaricdə dünyasını dəyişmiş şəxsiyyətlərimizin xatirəsini başqa bir formada da yaşada bilərik:

“Məsələn, Sahil bağının adını “Sənətçilər bağı” və ya “Aydınlar bağı” kimi dəyişə bilərik. Rəmzi məzarlar, yaxud lövhələr - onların xatirəsini bu cür əbədiləşdirmək olar. Buna müəyyən təşəbbüslər də var. Yazıçılar da dəfələrlə bunu deyiblər.

Yusif Vəzir Çəmənzəminlidən başqa, məzarı bəlli olan Fətəli Xan Xoyskini,n hətta Əlimərdan bəy Topçubaşovun da məzarını gətirmək lazımdır.

Biz müstəqil dövlətik. O insanların nəşinin torpağımıza qaytarılması onun ailəsi üçün də, bizim üçün də mənəvi yüngüllük olar. Bu istiqamətdə düşünməliyik”.

# 1547 dəfə oxunub

Oxşar xəbərlər

"Kəndimizə gedən yol":  Neftçaladan videoreportaj

"Kəndimizə gedən yol": Neftçaladan videoreportaj

10:40 17 sentyabr 2025
Mir Cəfər Bağırov təmizləmə siyasətini müstəsna qəddarlıqla həyata keçirirdi - ELÇİN

Mir Cəfər Bağırov təmizləmə siyasətini müstəsna qəddarlıqla həyata keçirirdi - ELÇİN

10:30 17 sentyabr 2025
Nicat Kazımov:  "Teatrda heç kimlə ikili oyun oynamıram" - Müsahibə

Nicat Kazımov: "Teatrda heç kimlə ikili oyun oynamıram" - Müsahibə

10:13 17 sentyabr 2025
Romada Üzeyir Hacıbəylinin 140 illik yubileyi münasibətilə konsert proqramı təşkil olunub

Romada Üzeyir Hacıbəylinin 140 illik yubileyi münasibətilə konsert proqramı təşkil olunub

10:00 17 sentyabr 2025
Ukraynadakı müharibəni tənqid edən musiqi qrupu həbs edilib

Ukraynadakı müharibəni tənqid edən musiqi qrupu həbs edilib

09:24 17 sentyabr 2025
100 il əvvəl çəkilən "Bismillah"  - Filmin rejissorları arasında niyə münaqişə yaranmışdı?

100 il əvvəl çəkilən "Bismillah" - Filmin rejissorları arasında niyə münaqişə yaranmışdı?

09:00 17 sentyabr 2025
#
#
Ana səhifə Yazarlar Bütün xəbərlər