Gənc şair Əyyub Türkayın "Sovqat" adlı uşaq şeirləri kitabı işıq üzü görüb.
Kulis.az xəbər verir ki, kitabda məktəbəhazırlıq qruplarında, bağçada, ibtidai sinifdə təhsil alan uşaqlar üçün müxtəlif mövzulu uşaq şeirlər, təmsillər və tapmacalar yer alıb.
Müasir Azərbaycan şeirinin istedadlı nümayəndələrindən olan Əyyub Türkay (Əyyub Ağakərim oğlu Məmmədov) 1988-ci ildə Lənkəran şəhərində anadan olub. 2008-ci ildən Cənub Televiziyasında teleaparıcı-jurnalist vəzifəsində çalışmaqla yanaşı, dövrü mətbuatda publisistik məqalələri və şeirləri ilə çıxış edib. Azərbaycan Jurnalistlər Birliyinin üzvü (2020) , "Qızıl qələm" Media Mükafatı laureatıdır (2022).
Qeyd edək ki, "Sovqat" uşaq şeirləri kitabı Əyyub Türkayın uşaqlar üçün qələmə aldığı ikinci kitabdır. İlk uşaq şeirləri kitabı isə "Balacaların şeir çələngi" olub və qısa zamanda geniş oxucu kütləsi qazanıb.
"Sovqat" kitabı "İmza" nəşrlər evində çapdan çıxıb. Kitabın ön söz müəllifi filologiya elmləri üzrə fəlsəfə doktoru, dosent, AMEA Nizami Gəncəvi adına Ədəbiyyat İnstitutunun "Uşaq ədəbiyyatı" şöbəsinin müdiri Elnarə Akimova, redaktoru və korrektoru isə Azərbaycan Yazıçılar Birliyinin üzvləri, şair Ziya Dilsuz və Əhməd Haqsevərdir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər