Rejissor, aktyor və dramaturq Yevgeni Kozlovski mayın 11-də Moskvada mənzilində baş verən yanğından sonra vəfat etdi.
Kulis.az xəbər verir ki, bu barədə "The Voice" məlumat yayıb.
Məlumata görə, 76 yaşlı sənətçinin səhhətində son zamanlar ciddi problemlər yaranıb və bu yaxınlarda onun mənzilində yanğın baş verib. Yanğın zamanı Kozlovski evdə tək olub. Onun həyat yoldaşı həmin vaxt küçədə ev iti gəzdirirmiş. Yanğına səbəb kondisionerdə baş verən qısaqapanma olub. Hadisədən sonra xəstəxanaya yerləşdirilən dramaturq dörd gün sonra ölüb.
Yevgeni Kozlovski 1976-cı ildə Moskva İncəsənət Teatr Məktəbinin rejissorluq fakültəsini bitirib, bundan sonra əyalət teatrlarında onlarla tamaşaya quruluş verib. 1985-ci ildən onun ssenariləri əsasında filmlər çəkilib. Kozlovski aktyor kimi cəmi iki filmdə - "Xaçpərəstlər necə yaşayır?", "Görünüş"də rol alıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər