Azərbaycan Prezidenti yanında Qeyri-Hökümət Təşkilatlarına Dövlət Dəstəyi Şurasının 2019-cu il üçün nəzərdə tutulan I Qrant müsabiqəsində qalib olmuşlayihə may ayında Tallin şəhərində, Estoniya Teatr və Musiqi Akademiyasının (ETMA) konsert salonunda uğurla həyata keçirilib.

Kulis.az xəbər verir ki, tədbirin ərsəyə gəlməsində Ü.Hacıbəyli adına Bakı Musiqi Akademiyası (BMA) və ETMA yaxından iştirak edib.

Layihənin əsas məqsədi Azərbaycan musiqisini beynəlxalq arenada təbliğ etmək, istedadlı gəncləri geniş auditoriyaya tanıtmaqdan ibarət idi.

Layihə çərçivəsində Azərbaycan və Estoniya arasında qarşılıqlı təhsil və mədəniyyət körpüsü yaradılmış və gələcək uğurlu layihələrin təməli qoyulmuşdur. Belə ki, Estoniya Konservatoriyası və Ü.Hacıbəyli adına Bakı Musiqi Akademiyası arasında eyni zamanda ETMA və MƏİDİB arasında Memorandum – “Dostluq müqaviləsi” imzalanıb. Layihə çərçivəsində Ü.Hacıbəyli adına Bakı Musiqi Akademiyasının tələbə və müəllim heyəti- BMA-nın Beynəlxalq Əlaqələr və Tərbiyə işləri üzrə prorektoru, xalq artisti Yeganə Axundova (piano), MƏİDİB sədri, BMA-nın doktorantı və əməkdaşı İlahə İsrafilova (bəstəkar), beynəlxalq müsabiqə laureatları- Ümidə Abbasova (skripka), Fəqan Həsənli (piano), Atabəy İsmayılov (tar), ETMA-nın prorektoru Henry David Varema ilə bir səhnəni bölüşərək maraqlı konsert proqramı ilə çıxış ediblər. Konsert proqramında Azərbaycan, Avropa həmçinin Estoniya bəstəkarları -R.Şuman, İ.Brams, Q.Qarayev, S.Raxmaninov, Ü.Hacıbəyli, A. Lemba, İlahə İsrafilova, V.Adıgözəlov, F.Əmirov, Fərhad Bədəlbəylinin əsərləri səsləndirilib.

Səslənən əsərlərlər xüsusi rəğbətlə qarşılanıb. Azərbaycan musiqisi auditoriyanın geniş marağına səbəb olub. Layihə müvəffəqiyyətlə başa çataraq maraqlı anlarla yadda qalıb.

• "İstiqlal söhbətləri" - düşüncə ehtirası və alim qüruru - Elnarə Akimova
• Harri Staylsın turu əsasında film çəkiləcək
• İbrahim Çingiz: "“44”ə filmdən çox həyat, tarix kimi yanaşıram"