Əsərləri dövlət varidatı elan edilən müəlliflərin çoxcildlik nəşrlərinin hazırlanması təklif edilib.
Kulis.az APA-ya istinadən xəbər verir ki, belə təkliflə Milli Məclisin bu gün keçirilən plenar iclasında “Azərbaycan Respublikasının 2026-cı il dövlət büdcəsi haqqında” qanun layihəsinin müzakirəsi zamanı deputat Elnarə Akimova çıxış edib.
Deputat bildirib ki, Nazirlər Kabinetinin 7 may 2019-cu il tarixli, 211 nömrəli Qərarı ilə təsdiq edilmiş sənədə əsasən Azərbaycan Respublikasında əsərləri dövlət varidatı elan edilən müəlliflərin siyahısı hazırlanıb: “Çox yaxşı olardı ki, həmin siyahıda yer alan müəlliflərin əsərləri xüsusi seriyada çoxcildlik nəşrlər şəklində çap edilsin. Bu təklifimi irəli sürərkən latın qrafikalı nəşrlərin gerçəkləşdirilməsi naminə Prezidentin “Azərbaycan dilində latın qrafikası ilə kütləvi nəşrlərin həyata keçirilməsi haqqında” 12 yanvar 2004-cü il tarixli sərəncamı ilə nəşr olunan kitabların mədəni həyatımızda misli görünməmiş bir hadisə olduğunu minnətdarlıq hissi ilə qeyd etmək istərdim”.
Əsərləri dövlət varidatı elan edilən müəlliflərin nəşrlərinin hazırlanması təklif edilib
Oxşar xəbərlər
Əlimərdan bəy Topçubaşovun məzarı ziyarət edildi
11:30
27 may 2026
Dəfninə Papanın icazə verdiyi skripkaçı - Ona niyə "şeytanın oğlu" deyirdilər?
10:40
27 may 2026
Aktrisa Ulduz Süleymanova vəfat etdi
10:35
27 may 2026
Gələcəyin xəritəsini çəkən filosof - O, KQB agenti idi?
10:20
27 may 2026
"Gördüm bu dünyanın hər üzünü mən" - Şeirin rəsmini çəkən müharibə uşağı
10:00
27 may 2026
100 ildir axtarılan rəsmlər tapıldı - Hərraca çıxarılarkən aşkar edildilər
18:30
26 may 2026