Elmi-praktiki seminar: “Milli-mənəvi dəyərlərimiz Qərbi Azərbaycan qaynaqlarında”

Elmi-praktiki seminar:  “Milli-mənəvi dəyərlərimiz Qərbi Azərbaycan qaynaqlarında”
20 fevral 2025
# 15:52

Azərbaycan Respublikası Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzinin (MEMİM) təşkilatçılığı, Qərbi Azərbaycan İcması və Beynəlxalq Muğam Mərkəzinin dəstəyi ilə cari ilin 19 fevral tarixində “Milli-mənəvi dəyərlərimiz Qərbi Azərbaycan qaynaqlarında” mövzusunda elmi-praktiki seminar keçirilib.

Kulis.az xəbər verir ki, Beynəlxalq Muğam Mərkəzində baş tutan seminarın məqsədi Qərbi Azərbaycanda yaranıb formalaşan folklor yaradıcılığı, musiqi və ifaçılıq sənəti, milli mətbəximiz kimi zəngin dəyərləri özündə əks etdirən mövzuların tədqiqi və onların gənc nəslə daha dolğun şəkildə çatdırılmasıdır.

Tədbirin açılışında Qərbi Azərbaycan İcmasının sədri, Millət vəkili Əziz Ələkbərli və MEMİM-in direktoru vəzifəsini icra edən, sənətşünaslıq üzrə fəlsəfə doktoru Vüqar Hümbətov qeyd ediblər ki, xalqımızın mədəniyyətinin, tarixinin və onun inkişaf mərhələlərinin öyrənilməsi elm və incəsənət sahələrinin ən ümdə vəzifələrindəndir.

Elmi-praktiki seminarda tədqiqatçı alimlər: filologiya üzrə fəlsəfə doktoru, dosent Altay Məmmədli, sənətşünaslıq üzrə fəlsəfə doktoru Rauf Bəhmənli, Azərbaycan Milli Elmlər Akademiyasının Folklor İnstitutunun aparıcı elmi işçisi, filologiya üzrə fəlsəfə doktoru, dosent Ləman Süleymanova, sənətşünaslıq üzrə fəlsəfə doktoru, dosent Maya Qafarova, tarix üzrə fəlsəfə doktoru, Əməkdar mədəniyyət işçisi Tahir Əmiraslanov çıxışlarında mövzularla bağlı araşdırmalarını təqdim ediblər.

Əməkdar mədəniyyət işçisi, sənətşünaslıq üzrə fəlsəfə doktoru Səadət Təhmirazqızının moderatorluğu ilə keçirilən seminarda, alim və mütəxəssislər Göyçə mahalının aşıq sənəti, Qərbi Azərbaycan yallıları, Qərbi Azərbaycan folklor mədəniyyəti, Qərbi Azərbaycanın musiqisi və mətbəxi mövzularında danışıblar. Tədbirdə həmçinin videomateriallar da nümayiş olunub.
Seminarda Aşıq İmran Göyçəlinin ifasında “Göyçəgülü” havası, “İrəvan” ansamblının ifasında (solistlər Nərmin Mirzəyeva və Rəis Niftəliyev) bəstəkar və xalq mahnıları izləyicilərə təqdim olunub.

# 1981 dəfə oxunub

Oxşar xəbərlər

Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

10:00 22 noyabr 2026
Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

15:26 21 noyabr 2026
Azərbaycan dünyanın ən böyük nağıl festivalında

Azərbaycan dünyanın ən böyük nağıl festivalında

15:10 21 noyabr 2026
"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
Emir Kusturitsa: "Putinlə söhbət  mənim üçün böyük yaradıcılıq ilhamı oldu"

Emir Kusturitsa: "Putinlə söhbət mənim üçün böyük yaradıcılıq ilhamı oldu"

11:57 21 noyabr 2026
#
#
Ana səhifə Reels Yazarlar Xəbərlər