Yanvarın 13-də Sumqayıtdakı İdrak liseyində yazıçı-dramaturq, publisist, Əməkdar incəsənət xadimi, AYB katibi Elçin Hüseynbəyli ilə görüş keçirilib.
Kulis.az-ın verdiyi xəbərə görə, Görüşü məktəbin direktoru Hidayət Allahverdi açıb. O, Elçin Hüseynbəylinin məktəbə gəlişini, müəllim və şagirdlərlə görüşünü əlamətdar gün hesab edib və bildirib ki, qələm adamları ilə hər təmas onların yaddaşında dərin iz qoyur.
Liseyin təsisçisi Mönsüm Alışov öz çıxışında deyib ki, yazıçının bu gün burada söylədikləri şagirdlərin yaddaşında qalacaq və həyat yollarının müəyyənləşməsinə müsbət təsir edəcək.
Görüş şagirdlərlə dialoq üzərində qurulub. Elçin Hüseynbəyli onların çoxsaylı suallarını cavablandırıb.
Şagirdlər yazıçının 7-si sinif “Ədəbiyyat” dərsliyində tədris olunan “Nəvə” hekayəsini səhnədə nümayiş etdiriblər.
Tədbirin sonunda yazıçı öz kitablarını liseyin kitabxanasına hədiyyə edib və xatirə şəkli çəkdirib.
Əli Kərim adına Sumqayıt Poeziya Klubun sədri, şair İbrahim İlyaslı və AYB Qubadlı Rayon Regional Bölməsinin rəhbəri, şair Namiq Məna da görüşdə iştirak ediblər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər