Kulis.az 20 aforizmi təqdim edir.

1. Hər bir aforizm qoz kimidir: xaricdən yaxşıdır, daxildə isə dörddə üçü boşdur. Fernan Vandran

2. Pis film çəkmək heç də yaxşı film çəkməkdən asan deyil. Robert de Niro

3. Ağlı çox olanın sözü az olar. Hz. Əli

4. Sosial həyat komedik tamaşadır. Məzmunlu adamlar orada yöndəmsiz və gərəksizdir. A.Şopenhauer

5. Axmaqlara veriləcək cavab sükutdur. Cəlaləddin Rumi

6. Bilikli bir axmaq cahil bir axmaqdan daha da axmaqdır. Jan Batist Molyer

7. Barmaqlarım ayı göstərərkən axmaqlar barmaqlarıma baxarlar. Tibet atalar sözü

8. Gözəl qadın gözlər üçün cənnət, ürək üçün cəhənnəm, ciblər üçün təmizlikdir. Fontenel

9. Mən hələ elə bir pişiyə rast gəlməmişəm ki, siçanların onun haqqında nə danışdığı onu qayğılandırsın. Yuzef Bulatoviç

10. İstəyirsənsə ki, səni dəyərləndirsinlər, – öl! İtalyan deyimi

11. Tanrının mərhəmətilə ölkəmizdə biz üç dəyərli nemətə: söz azadlığına, vicdan azadlığına və bunlardan heç birindən heç zaman istifadə etməmək dərrakəsinə malikik. Mark Tven

12. İnsan birinci, ikinci, üçüncü dəfə günah işlətdi – onu bağışlayırlar, lakin əgər o dördüncü dəfə günah işlətsə, onda onu bağışlamırlar. Talmud, “Yama”, fəs. 8.

13. Əgər dostunuz sizə 50 dollar borc verməkdən imtina etdisə, görünür, o sizi daha yaxından tanıyır. Lorens Piter

14. Əgər qadın diyetaya keçdisə, kişi arıqlamağa başlayır. “20000 Quips & Quotes”

15. “Ho” var, dağa qaldırar, “ho” var, dağdan endirər. Atalar sözü

16. Təklikdə öz günahların barədə düşün, cəmiyyət içində isə özgələrinin günahını unut. Qədim Çin aforizmi

17. Əgər danışmaq bir yana aparmırsa, bircə kəlmə söz də artıqdır. Qədim Çin aforizmi

18. Allah mərkəzi hər yerdə, çevrəsi isə heç yerdə olmayan dairədir. N.Kuzanlı

19. Deyirlər siyasət ikinci qədim peşədir. Ancaq mən bu nəticəyə gəlmişəm ki, birincidən o, çox şeylər əxz eləyib. Reyqan

20. Ədalətli olmağın bəhrəsi ruhi sakitlikdir. Epikür

• Dolli Partonun zaman kapsulundakı mahnısı – 2045-ci ildə yayımlanacaq
• Məşhur teatr “Makbet” ilə fəaliyyətini bərpa etdi
• Georgi Qospodinov növbəti ədəbiyyat mükafatının qalibi oldu