Ed Şeranın orijinal rəsmləri Londonda sərgilənəcək – Gəlir uşaqların təhsilinə bağışlanacaq

Ed Şeranın orijinal rəsmləri Londonda sərgilənəcək – Gəlir uşaqların təhsilinə bağışlanacaq
10 iyul 2025
# 10:16

İngiltərəli məşhur müğənni və bəstəkar Ed Şeran "Cosmic Carpark Paintings" adlı yeni orijinal rəsm və çap seriyasını ictimaiyyətə təqdim edib.

Kulis.az xəbər verir ki, sənətçiyə məxsus əsərlər 10 iyul 2025-ci il tarixindən etibarən Londonda yerləşən “HENI Gallery”də nümayiş etdiriləcək.

Sərgi 1 avqustadək davam edəcək və ziyarətçilər üçün tamamilə pulsuz olacaq. Sərgilənən əsərlər satışa çıxarılacaq və əldə edilən bütün gəlir Ed Şeran tərəfindən yaradılmış və hər bir uşağa keyfiyyətli musiqi təhsili imkanı yaratmağı hədəfləyən Ed Şeran Fonduna bağışlanacaq.

Fond bu günə qədər 18 yerli musiqi təşkilatına və dövlət məktəblərinin musiqi bölmələrinə dəstək göstərərək 12 mindən çox uşaq və gəncin həyatına müsbət təsir edib.

Şeran bu əsərləri əsasən əylənmək və dostlarına hədiyyə etmək üçün yaratdığını, lakin tanınmış çağdaş rəssam Damien Hirst və HENI qalereyasının təşviqi ilə ilk dəfə sərgi açmağa qərar verdiyini bildirib. Sənətçi bu təşəbbüsü "sənətin sənəti dəstəkləməsi" modeli adlandırır.

Qeyd edək ki, Şeran əsərlərində, Cekson Pollokdan ilhamlanaraq boya sıçratma texnikasından istifadə edib.

# 272 dəfə oxunub

Oxşar xəbərlər

Apollon Məbədi gecə də ziyarətçi qəbul edəcək

Apollon Məbədi gecə də ziyarətçi qəbul edəcək

16:33 10 iyul 2025
Telli Pənahqızına vəzifə verildi

Telli Pənahqızına vəzifə verildi

15:56 10 iyul 2025
"İki-üç türk ziyalısı bir yerə toplanıb..." - Əliheydər Qarayevin məqaləsi ilk dəfə latın qrafikasında

"İki-üç türk ziyalısı bir yerə toplanıb..." - Əliheydər Qarayevin məqaləsi ilk dəfə latın qrafikasında

15:00 10 iyul 2025
Monika Belluççi, Penelopa Kruz, Pərvin... - Pərvin Abıyeva niyə dünya ulduzu ola bilmədi?

Monika Belluççi, Penelopa Kruz, Pərvin... - Pərvin Abıyeva niyə dünya ulduzu ola bilmədi?

15:00 10 iyul 2025
Vağzalı... - Fərid Bayramlı

Vağzalı... - Fərid Bayramlı

14:30 10 iyul 2025
"Monsters"  serialının yeni mövsümünün hazırlıqları başladı

"Monsters" serialının yeni mövsümünün hazırlıqları başladı

14:09 10 iyul 2025
#
#
# # #