Xəbər verdiyimiz kimi 2020-ci il üzrə Nobel mükafatı yəhudi əsilli ABŞ şairi Luiza Qlükə verildi. Kulis.az şairin qısa bioqrafiyasını təqdim edir.

Luiza Qlük 22 aprel 1943-cü ilə Nyu-Yorkda Avstrya-Macarstandan gələn yəhudi mühacir əsilli ailədə dünyaya gəlib.

Sarrı Lourens kollecini bitirib. Daha sonra Kolumbiya universitetində oxuyub, lakin təhsilini tam başa vurmadan universiteti yarımçıq qoyub.

Qlük 1968-ci ildə Amerika Şairlər Akademiyası mükafatına, 1985-ci ildə tənqidçilər cəmiyyətinin Milli Kitab mükafatına, 1993-cü ildə “Pulitzer” mükafatına, 2001-ci ildə “Bollingen” Mükafatına layiq görülüb. 2003-2004-cü illərdə isə “ABŞ şairi” adına layiq görülüb. 2014-cü ildən Amerika Fəlsəfi Cəmiyyətinin üzvüdür.

Luiza şeir haqqında bunları deyir:

“Dünya bizsiz bütünləşir. Bu dözülməz həqiqətdir! Şair üsyanla cavab verərək əksini sübut etmək istəyir. Şair xroniki həqiqət mübahisəsi içində yaşayır və nəticədə ortaya yeni sürpriz çıxır: dözülməzliyin ziddiyyətli bir parçasında yeni bir həqiqətin yaranması...

Qeyd edək ki, şairin seçilmiş əsərləri Türkiyədə nəşr olunub. Azərbaycanda isə Qlükün bir neçə şeiri Səməd Qaraçöpün tərcüməsində 2004-cü ildə “Xəzər” jurnalında çap edilib.

Şairə “Axillesin qələbəsi”, “Vəhşi İris”, “Çəmənlik”, “Həyatın yeddi yaşı”, “Kənd həyatı”, “Oktyabr”, “Averno” kitablarının müəllifidir.

• Qremmi Mükafatının aparıcısı açıqlandı
• Qəzetin sahibi şahzadədən üzr istədi - Səbəb
• "Koroğlu" filminin pərdəarxası gizlinləri - Azər Turan